Home > Cymraeg > Gwybodaeth i ddefnyddwyr > Ymgeisyddion Gogledd Ddwyrain Cymru

Mae Ofcom wedi derbyn dau gais am y drwydded amlblecs radio digidol lleol ar gyfer Gogledd Ddwyrain Cymru a Gorllewin Swydd Gaer

Yr ymgeiswyr yw:

MuxCo Northeast Wales and West Cheshire Limited
96a Curtain Road, Llundain EC2A 3AA
Cyswllt: Gregory Watson, Ffôn: 07917 413700, E-bost: gregory@muxco.com

Cyfranddalwyr MuxCo Northeast Wales and West Cheshire yw:

Dee 106.3 Limited 25%
UTV Radio (GB) Limited 25%
Town & Country Broadcasting Limited 25%
MuxCo Limited 25%

Mae MuxCo Northeast Wales and West Cheshire Limited yn bwriadu darparu saith gwasanaeth rhaglen sain ddigidol leol, yn ychwanegol at BBC Radio Wales a BBC Radio Cymru, fel â ganlyn:

Disgrifiad o’r fformat	Enw’r gwasanaeth	Darparydd
Cyfoes	Marcher Sound	GCap Media plc
Aur	Classic Gold Marcher	GCap Media plc
Cyfoes	Dee 106.3	Dee 106.3 Limited
Cerddoriaeth, siart a dawns newydd	107.6 Juice FM	UTV Radio (GB) Limited
Hawdd	Easy Radio	Easy Radio Limited
Gwasanaeth llawn	Wales Live	Town & Country Broadcasting Ltd.
Amrywiaeth o pop a roc	Jack FM	Absolute Radio International Limited

Mae MuxCo Northeast Wales and West Cheshire Limited yn bwriadu cychwyn ei wasanaeth gyda chwe gwasanaeth rhaglen sain ddigidol leol erbyn Awst 2008 gan ddefnyddio rhwydwaith o dri trosglwyddydd y mae’n amcangyfrif a fydd yn darparu darpariaeth ‘awyr agored’ i 96.1% o’r boblogaeth oedolion (15+ oed) o’r ardal sydd wedi’i thrwyddedu. Bydd un gwasanaeth rhaglen sain ddigidol leol pellach yn cael ei lansio o fewn naw mis o gychwyn y gwasanaeth amlblecs radio lleol.

Now Digital (North Wales, Wirral & Cheshire) Limited
GCap Media plc, 30 Leicester Square, Llundain WC2H 7LA
Cyswllt: Maha Jamil, Ffôn: 020 7054 8128, E-bost: maha.jamil@gcapmedia.com

Mae Now Digital (North Wales, Wirral & Cheshire) Limited yn is-gwmni sydd yn gyfan gwbl yn eiddo i GCap Media plc.

Mae Now Digital (North Wales, Wirral & Cheshire) Limited yn bwriadu darparu naw gwasanaeth rhaglen sain ddigidol leol, yn ychwanegol at BBC Radio Wales a BBC Radio Cymru, fel â ganlyn:

Disgrifiad o’r fformat	Enw’r gwasanaeth	Darparydd
Cyfoes Oedolion	Marcher Sound	GCap Media plc
Cyfoes Oedolion	Wirral's Buzz 97.1	GCap Media plc
Gwasanaeth Lleol Llawn	Dee 106.3	Dee 106.3 Limited
Roc, dawns a siart i ieuenctid	107.6 Juice FM	UTV Radio (GB) Limited
Clasuron Poblogaidd	Classic Gold Marcher	GCap Media plc
Roc Modern	Xfm	GCap Media plc
Cyfoes Oedolion Gwasanaeth Llawn	Sunshine	Laser Broadcasting Limited
Crefyddol	UCB UK	UCB Limited
Traffig a Theithio lleol	Traffic Radio	Highways Agency

Mae Now Digital Limited yn bwriadu cychwyn ei wasanaeth gyda’r naw gwasanaeth rhaglen sain ddigidol leol erbyn Medi 2008, gan ddefnyddio rhwydwaith o ddau drosglwyddydd y mae’n amcangyfrif a fydd yn darparu darpariaeth ‘awyr agored’ i 91.8% o’r boblogaeth oedolion (15+) o’r ardal sydd wedi’i thrwyddedu.

Bydd yr amlblecs radio lleol hwn yn cynnwys gallu wedi’i gadw ar gyfer darlledu BBC Radio Wales a BBC Radio Cymru ar ffurf ddigidol.

Cyhoeddir y ceisiadau llawn ar gyfer y trwyddedau hyn ar wefan Ofcom cyn hir. Mae Ofcom yn gofyn am farn ar y ceisiadau hyn erbyn 17 Awst 2007. Gellir naill ai e-bostio unrhyw gynrychioliadau ysgrifenedig ar y ceisiadau i commercialradio@ofcom.org.uk neu eu postio at Neil Stock, Pennaeth Radio, Ofcom, Riverside House, 2a Southwark Bridge Road, Llundain SE1 9HA. Nodwch yr ohebiaeth os gwelwch yn dda gyda 'Trwydded Gogledd Ddwyrain Cymru a Gorllewin Swydd Gaer'.

Newid i’r cais ar gyfer trwydded amlblecs radio lleol i Ogledd Orllewin Cymru a Gorllewin Swydd Gaer

Hysbysodd Now Digital (North Wales, Wirral & Cheshire) Ltd Ofcom, ar 7 Awst 2007, ei fod yn dymuno tynnu o’i gais y fformat ‘crefyddol’ arfaethedig o’r rhestr o wasanaethau. Roedd UCB UK, y darparydd arfaethedig ar gyfer y gwasanaeth hwn wedi cynghori Now Digital nad oedd angen gofod bellach ar drwydded amlblecs lleol Gogledd Ddwyrain Cymru a Gorllewin Swydd Gaer

Mae Now Digital wedi methu â chael gafael ar ddarparydd arall ar gyfer ei fformat gwasanaeth crefyddol arfaethedig cyn y penderfyniad i ddyfarnu’r drwydded. O ganlyniad mae Now Digital yn cynnig darparu gwasanaeth rhaglen sain heb ei enwi yn ychwanegol at y gwasanaethau eraill a gynigir yn ei gais gwreiddiol. Mae Now Digital hefyd yn cynnig y bydd y gwasanaeth hwn heb ei enwi yn lansio o fewn blwyddyn o lansio’r gwasanaeth amlblecs, ac fe’i darlledir 24 awr y dydd ac ar raddfa bit dim is na’r hyn y cynigiwyd darlledu’r gwasanaeth crefyddol arno yn wreiddiol (64kb). Nid oes unrhyw newidiadau eraill i’r cais wedi’u cynnig.

Yng ngoleuni’r ffaith nad yw Now Digital wedi gallu cael gafael ar ddarparydd arall ar gyfer ei fformat crefyddol arfaethedig, mae Ofcom wedi derbyn newid Now Digital i’w gais. Mae Ofcom yn gofyn am farn ar y newid hwn erbyn Dydd Llun 3 Medi 2007. Gellir e-bostio unrhyw gynrychioliadau ysgrifenedig ar y ceisiadau i commercialradio@ofcom.org.uk neu eu postio i Neil Stock, Pennaeth Radio, Ofcom, Riverside House, 2a Southwark Bridge Road, Llundain SE1 9HA. Nodwch yr ohebiaeth os gwelwch yn dda yn ‘Trwydded Gogledd Orllewin Cymru a Gorllewin Swydd Gaer'.

Back to top