Home > Cymraeg > Swyddfa’r Cyfryngau > Cyhoeddiadau > Adroddiad Blynyddol DGC

I’w rhyddhau ar unwaith

22 Mawrth 2007

Ofcom yn lansio adroddiad blynynddol darlledu gwasanaeth cyhoeddus

Heddiw cyhoeddodd Ofcom ei Adroddiad Blynyddol Darlledu Gwasanaeth Cyhoeddus, sy’n asesu apêl ac effeithiolrwydd darlledu gwasanaeth cyhoeddus (DGC) yn y DU.

Mae’r Adroddiad yn darparu tystiolaeth annibynnol fel cyd-destun ar gyfer datganiadau polisi rhaglenni darlledwyr ac adolygiadau hunan asesu darlledwyr, a gyhoeddir heddiw hefyd.

Yn ôl Adran 264 o Ddeddf Cyfathrebiadau 2003 mae’n ofynnol i Ofcom asesu’r darlledwyr gwasanaeth cyhoeddus dynodedig, gyda’i gilydd, o ran eu cyflwyniad o ddibenion gwasanaeth cyhoeddus a nodir yn y Ddeddf. Y darlledwyr DGC dynodedig yw’r BBC, ITV1, GMTV, Channel 4, Five, S4C a Teletestun.

Yn ei adolygiad o’r farchnad darlledu GC yn 2004, sefydlodd Ofcom ddiffiniad newydd o ddarlledu gwasanaeth cyhoeddus yn seiliedig ar nifer o ddibenion a nodweddion craidd, yn gysylltiedig â dibenion DGC y Ddeddf Cyfathrebiadau.

Mae’r Adroddiad Blynyddol yn darparu tystiolaeth o’r hyn a ddangoswyd gan y darlledwyr ar y sgrin ers 2002; sut y mae gwylio wedi newid dros y cyfnod hwn; a barn am y raglenni gyfredol. Mae hefyd yn adrodd am ganlyniadau blwyddyn gyntaf Olrheiniwr DGC Ofcom, sydd yn gofyn i tua 7,500 o wylwyr i ba raddau y maent yn credu y mae darlledwyr wedi cyflawni dibenion a nodweddion DGC.

Ymhlith y pwyntiau allweddol:

• Mae darlledu gwasanaeth cyhoeddus ar y cyfan yn parhau’n bwysig i wylwyr yn y DU.
• Mae barn am gyflwyniad DGC, yn gyffredinol, yn tueddu i adlewyrchu cryfderau neilltuol pob un o’r prif sianeli:
  • Cryfderau BBC One yw cyflwyno newyddion a digwyddiadau cenedlaethol mawr;
  • Mae rhaglenni BBC Two yn perfformio’n dda o ran symbylu gwybodaeth a dysgu;
  • Gwerthfawrogir ITV1 am ei ddramâu o ansawdd, ei operâu sebon a’i raglennu rhanbarthol
  • Mae Channel 4 yn sgorio’n dda oherwydd rhaglenni sydd yn cynnwys ac yn herio gwylwyr; ac mae’n fwyaf poblogaidd ymysg gwylwyr iau; a
  • Mae gwylwyr yn mwynhau rhaglenni unigol Five. Mae’n sgorio’n dda hefyd gyda’i gynulleidfa am ei fod yn darparu rhaglenni o ansawdd uchel sydd yn cynnwys y gwylwyr.

Mae’r adroddiad hefyd yn dangos fod:

• Dim ond tuag un rhan o dair o wylwyr sydd yn dweud fod y sianeli yn dangos digon o raglenni newydd wedi’u gwneud yn y DU a rhaglenni arloesol gyda syniadau ac ymagweddau newydd.
• Mae barn am gyflwyniad rhaglenni gyda manteision addysgol yn gymysg. Nid yw gwylwyr yn credu fod rhaglenni sydd yn symbylu dysgu er enghraifft yn cael eu cyflwyno’n dda.
• Er pwysigrwydd teledu plant i rieni, mae gwylio rhaglenni Plant ar y prif sianeli DGC daearol yn gostwng yn gyflym: syrthiodd gwylio ITV1 a BBC One i’w hanner rhwng 2002 a 2006
• Gwelir rhaglenni sydd yn adlewyrchu’r rhanbarthau i weddill y DU fel rhai nad ydynt yn cael eu cyflwyno cystal, er y datgenir fod hyn yn llai o flaenoriaeth i bobl.

Mae’r Adroddiad Blynyddol Darlledu Gwasanaeth Cyhoeddus ar gael yn www.ofcom.org.uk ynghyd â’r cysylltiadau i datganiadau polisi rhaglenni ac adolygiadau hunan asesu pob darlledwr.

Diwedd

• Crynodeb Gweithredol Adroddiad Blynyddol DGC [pdf]

Back to top