Home > Cymraeg > Swyddfa’r Cyfryngau > Cyhoeddiadau > DGC Digidol

Rhagair

Mae’r ddogfen hon yn amlinellu ychydig o farn Ofcom sydd yn cael ei ddatblygu mewn perthynas â darparu Darlledu Gwasanaeth Cyhoeddus (DGC) yn yr oes ddigidol. Prif ddiben y ddogfen hon yw amlinellu’r meysydd pwysigrwydd ar gyfer darpariaeth DGC yn y dyfodol a nodi ble y bydd Ofcom yn gwneud gwaith pellach yn y flwyddyn ariannol hon. Byddwn yn arbennig yn adolygu ein dull o weithio yn y meysydd canlynol:

• Cyhoeddwr Gwasanaeth Cyhoeddus (CGC) a’r cyfryngau newydd
• Dyfodol newyddion yn y byd digidol
• Dichonolrwydd ariannol ac effeithlonrwydd Channel 4

Er bod yr holl feysydd hyn wedi’u trafod yn yr Adolygiad DGC yn 2004-5, mae newidiadau yn y farchnad yn ystod y deunaw mis diwethaf wedi dod â nifer o’r materion y tu ôl i’r cwestiynau hyn i’r amlwg:

• Roedd rôl Fideo yn ôl y Galw (FoG) yn y farchnad ar gyfer dosbarthu cynnwys rhaglenni yn 2004/05 yn gymharol fach. Ond yn ddiweddar mae’r farchnad – gwasanaeth cyhoeddus a masnachol- wedi canolbwyntio ar botensial pellgyrhaeddol FoG wrth i wasanaethau band eang cyflymdra uchel ddatblygu’n ddramatig.
• Enwodd yr Adolygiad DGC newyddion fel y genre rhaglen mwyaf gwerthfawr ar deledu’r DU. Mae’r symud i ddigidol yn debygol o greu newid sylweddol pellach gan gynyddu dewis ond gydag oblygiadau ansicr eraill i berthynas gwylwyr gyda newyddion teledu
• Ers cyhoeddi Adolygiad DGC Cam 2 ym mis Medi 2004 (oedd yn edrych ar berfformiad darparwyr DGC allweddol), mae Channel 4 wedi mwynhau perfformiad cryf. Bydd asesiad o’r perfformiad diweddar hwn a’i gynaladwyedd yn yr oes ddigidol yn rhoi digon o amser cyn newid drosodd i ddiffinio rôl a gofynion cywir ar gyfer Channel 4 yn y byd digidol.

Mae’r ddogfen hon wedi’i bwriadu i gyfrannu at y drafodaeth am y pynciau mawr i’w hystyried gan Ofcom mewn perthynas â chyflwyniad DGC yn yr oes ddigidol ac i amlygu’r cysylltiadau a’r achosion cyffredin rhwng y pynciau hynny. Mae nifer yn cael eu gyrru gan newidiadau o’r un fath neu debyg yn y farchnad a bydd penderfyniadau ar bob un yn cael effaith ar ddatblygiad eraill.

Pwrpas y ddogfen hon yw darparu cefndir defnyddiol trwy esbonio’r ystyriaethau hyn i randdeiliaid a bydd hefyd yn gosod y cyd-destun ar gyfer cyhoeddi adroddiadau ym mhob maes arall yn nes ymlaen yn y flwyddyn ariannol 2006/07.

• DGC Digidol - Darlledu Gwasanaeth Cyhoeddus wedi'r Newid i'r Digidol [pdf]

Back to top