Home > Cymraeg > Swyddfa’r Cyfryngau > Datganiadau i'r Wasg > 

Heddiw mae Ofcom yn nodi ei ddull o ymdrin â’r ail gylch o drwyddedu radio cymunedol. Mae trwyddedau radio cymunedol, a ddarperir ar sail heb fod ar gyfer elw, yn cynnwys ardal ddaearyddol fach ac maent yn canolbwyntio ar gyflwyno manteision cymdeithasol penodol.

Trwy gyfrwng y Gorchymyn Radio Cymunedol 2004 mae Ofcom yn gallu sicrhau bod y mathau newydd hyn o drwyddedau radio ar gael yn y DU. Yn ystod y cylch cyntaf o drwyddedu radio cymunedol dyfarnodd Ofcom 107 o drwyddedau allan o gyfanswm o 194 cais. Mae Ofcom wedi derbyn 184 o lythyrau o fwriad i wneud cais am drwydded radio cymunedol yn ail gylch y trwyddedu.

Mae datganiad heddiw yn amlinellu’r dull newydd o ymdrin â’r ail gylch o drwyddedu. Mae’r pwyntiau allweddol yn cynnwys:

• Gwahoddir ceisiadau ar sail rhanbarth yn ôl rhanbarth o fis Awst 2006.
• Oherwydd prinder sbectrwm mae cwmpas cyfyngedig i drwyddedau mewn rhai ardaloedd trefol ledled y DU. Yn Llundain er enghraifft, dim ond o fewn Bwrdeistrefi Harrow, Kingston upon Thames, Merton, Sutton, Croydon a Bromley y bydd Ofcom yn gallu derbyn ceisiadau ar gyfer gwasanaethau FM.
• Rhoddir cyfnod o 12 wythnos i ymgeiswyr, o fewn pob rhanbarth, i wneud cais am drwydded.

Cyhoeddir y ffurflen gais ddiwygiedig a’r nodiadau canllaw, ynghyd â’r gwahoddiad cyntaf am geisiadau ar 16 Awst 2006.

• Ail Gylch Drwyddedu Radio Cymunedol [pdf]

Back to top