Home > Cymraeg > Swyddfa’r Cyfryngau > Datganiadau i'r Wasg > 03/04/07

03|04|07

Ofcom yn cyhoeddi ei Gynllun Blynyddol ar gyfer 2007/8

Heddiw, cyhoeddodd Ofcom ei Gynllun Blynyddol ar gyfer 2007/8 sy’n nodi fframwaith polisi Ofcom am y tair blynedd nesaf ac sy’n rhestru blaenoriaethau penodol ar gyfer 2007/8.

Cafodd y fframwaith polisi tair blynedd a’r blaenoriaethau ar gyfer 2007/8 gefnogaeth eang gan randdeiliaid yn ystod y cyfnod ymgynghori, a oedd yn cynnwys digwyddiadau cyhoeddus o amgylch y DG a fynychwyd gan dros 350 o bobl.

Fframwaith polisi ar gyfer y tair blynedd nesaf

Bydd gwaith polisi Ofcom ar gyfer 2007/8, 2008/9 a 2009/10 yn canolbwyntio ar saith maes:

1. gyrru yn ei blaen ymagwedd sy’n seiliedig ar y farchnad tuag at sbectrwm;
2. hyrwyddo cystadleuaeth ac arloesedd mewn marchnadoedd cydgyfeiriol;
3. cyflawni canlyniadau cyhoeddus wrth i lwyfannau a gwasanaethau gydgyfeirio;
4. gwella cydymffurfio’r diwydiant a grymuso dinasyddion a defnyddwyr;
5. symud tuag at fframweithiau cyfreithiol ac economaidd mwy cyson;
6. lleihau rheoleiddio a lleihau beichiau gweinyddol; a
7. hyrwyddo i’r eithaf effaith Ofcom ar ddatblygiadau polisi rhyngwladol.

Blaenoriaethau ar gyfer 2007/8

O dan y saith maes allweddol ar gyfer y tair blynedd nesaf, mae gan Ofcom 15 o flaenoriaethau ar gyfer 2007/8:

Gyrru yn ei blaen ymagwedd sy’n seiliedig ar y farchnad tuag at sbectrwm

1. Cyflymu rhyddfrydoli a masnachu sbectrwm, gan alluogi’r farchnad i benderfynu’r modd y dylai sbectrwm gael ei ddefnyddio, cynyddu cystadleuaeth ac arloesedd.
2. Rhyddhau mwy o sbectrwm i alluogi gwasanaethau newydd i ddatblygu, gan alluogi llwyfannau newydd i ddatblygu ar gyfer y genhedlaeth nesaf o wasanaethau cydgyfeiriedig.
3. Cyd-drefnu polisi sbectrwm rhyngwladol trwy gynrychioli’r DG ar gyrff rhyngwladol allweddol.

Hyrwyddo cystadleuaeth ac arloesedd mewn marchnadoedd cydgyfeiriol

4. Deall llwyfannau di-wifr, fel teledu symudol a band eang di-wifr, wrth i gydgyfeiriant fynd rhagddo.
5. Asesu ffynonellau newydd pŵer y farchnad sy’n dod i’r amlwg trwy gydgyfeiriant.
6. Hyrwyddo cystadleuaeth mewn marchnadoedd telegyfathrebiadau a darlledu cydgyfeiriol; yn ganolog i hyn fydd sicrhau bod BT Group plc yn cydymffurfio â’i Ymrwymiadau.
7. Sicrhau cystadleuaeth a buddsoddi effeithlon mewn rhwydweithiau cenhedlaeth nesaf.

Cyflawni canlyniadau cyhoeddus wrth i lwyfannau a gwasanaethau gydgyfeirio

8. Adolygu’r modd y mae Ofcom yn diogelu gwylwyr a gwrandawyr trwy reoleiddio cynnwys, gan gynnwys y rheolau sy’n diogelu rhag niwed a sarhad.
9. Hyrwyddo mynediad a chynhwysiad, gan gynnwys ymchwil i ddeall yn well natur pryderon dinasyddion a defnyddwyr.
10. Cynnal cynnwys amrywiol ac o safon uchel mewn darlledu gwasanaeth cyhoeddus.

Gwella cydymffurfio’r diwydiant a grymuso dinasyddion a defnyddwyr

11. Hyrwyddo llythrennedd y cyfryngau a galluogi i ddefnyddwyr wneud dewisiadau gwybodus.
12. Targedu gorfodaeth mwy o’r rheolau sydd wedi’u cynllunio i ddiogelu dinasyddion a defnyddwyr a’i gwneud yn fwy effeithiol.
13. Sicrhau y gall defnyddwyr newid darparwyr yn gyflym ac yn hawdd

Symud tuag at fframweithiau cyfreithiol ac economaidd mwy cyson

• Byddwn yn archwilio ymhle mae’n ddymunol symud tuag at fwy o gysondeb rhwng fframweithiau cyfreithiol ac economaidd sy’n rheoli llwyfannau gwahanol; bydd Ofcom yn canolbwyntio ar y mater hwn yn 2008/9 a 2009/10.

Lleihau rheoleiddio a lleihau beichiau gweinyddol

14. Archwilio’r posibilrwydd ar gyfer dileu rheoleiddio ac esmwytho’r beichiau gweinyddol ar ein rhanddeiliaid.

Hyrwyddo i’r eithaf effaith Ofcom ar ddatblygiadau polisi rhyngwladol.

15. Cyfranogi yng nghyd-drafodaethau craidd yr UE, fel cefnogi’r Llywodraeth mewn cwblhau cyd-drafodaethau ar y Gyfarwyddeb Gwasanaethau Clyweled a’r Cyfryngau; a chyfrannu at gyd-drafodaethau eraill yr UE, fel rhoi sylw i’r cynigion deddfwriaethol a fydd yn dilyn Cyfathrebiad Cynnwys Ar-lein y Comisiwn.

Gellir gweld Cynllun Blynyddol llawn 2007/8 yn: "Related Items"

Gellir gweld gwybodaeth fanwl am brosiectau Ofcom, a fydd yn cael eu diweddaru bob chwarter, yn: "Related Items"

Diwedd

Back to top