Adroddiad: Tegwch, amrywiaeth a chynhwysiad mewn teledu a radio

Bob blwyddyn, mae Ofcom yn cywain data gan ddarlledwyr teledu a radio ar gyfansoddiad eu gweithluoedd. Mae'r adroddiadau hyn yn nodi ein canfyddiadau ynghylch cynnydd y diwydiant.

Adroddiad 2022-23

Mae adroddiad eleni yn nodi carreg filltir yn ein hymgyrch i hyrwyddo tegwch, amrywiaeth a chynhwysiad ("EDI") ym maes darlledu. Am y tro cyntaf, rydym yn adrodd ar amrywiaeth darlledwyr yn ôl ardal ddaearyddol o'n harolwg gweithlu meintiol wedi'i ddiweddaru. Rydym hefyd wedi gallu deall yn well y camau y mae darlledwyr yn eu cymryd ar draws gwahanol feysydd o EDI yn dilyn lansio ein teclyn hunanasesu ansoddol newydd.

Dyma ddatblygiad pwysig i ni, wrth i ni ddechrau dadansoddi ac olrhain y ddwy set ddata newydd, gan adeiladu ar ein hadroddiadau blaenorol, i roi darlun gwell o bwy sy'n gweithio ym maes darlledu ac ategu hyn gyda chipolwg newydd ar sut mae darlledwyr yn datblygu eu dull o ymdrin ag EDI.

Tegwch Amrywiaeth a Chynhwysiad ar y Teledu ar Radio 2022-23 (PDF, 2.9 MB)

Mae'r dogfennau isod yn Saesneg.

Equity, Diversity and Inclusion in Broadcasting 2022-23 (PDF, 3.3 MB)

Methodology report (PDF, 396.9 KB)

Data rhyngweithiol

Equity, Diversity and Inclusion in Broadcasting, Workforce Survey 2023 - Interactive Data Report

Holiaduron

Quantitative workforce survey (PDF, 821.7 KB)

Qualitative self-assessment tool (PDF, 505.0 KB)

Amserlen o'n gwaith EDI ym maes darlledu

Adroddiadau blaenorol

Dyma'r tro cyntaf i ni gyfuno ein tasg o fonitro amrywiaeth a chyfle cyfartal yn y diwydiannau teledu a radio mewn adroddiad sengl (PDF, 2.4 MB). Rydym yn adrodd ar y cynnydd a wnaed gan ddarlledwyr teledu am y bedwaredd flwyddyn ac am y drydedd flwyddyn ar gyfer radio.

Mae'n ddyletswydd ar Ofcom i hyrwyddo cyfle cyfartal mewn perthynas â chyflogaeth yn y sector darlledu. Gallwn ofyn i ddarlledwyr ddarparu gwybodaeth am eu polisïau cyfle cyfartal a chyfansoddiad eu gweithlu.

Mae ein hadroddiad ar gyfer 202o yn cyflwyno ein canfyddiadau allweddol ar amrywiaeth y darlledwyr rydym yn eu rheoleiddio, gan gynnwys yr wyth prif sefydliad teledu a radio. Er ei fod y tu hwnt i'r cyfnod adrodd rydym wedi cymryd effaith enfawr Covid-19 a'r protestiadau gwrth-hiliaeth, a fydd yn siapio ymagwedd y darlledwyr at gynyddu amrywiaeth y gweithlu yn y dyfodol, i ystyriaeth. Rydym hefyd yn gosod ein disgwyliadau a'n blaenoriaethau ar gyfer darlledwyr dros y flwyddyn i ddod, a sut y bydd Ofcom yn cefnogi'r diwydiant i fod yn fwy amrywiol a chynhwysol.

Eleni, mae ein hadroddiad yn cynnwys tri offeryn rhyngweithiol sy'n darparu gwybodaeth fanylach ar:

data gweithlu ar draws diwydiannau teledu a radio y DU
data gweithlu yr wyth prif ddarlledwr; a
gwybodaeth ansoddol a ddarparwyd gan y darlledwyr ar y gwaith y maent wedi ymgymryd ag ef i gynyddu amrywiaeth a chynhwysiad yn eu sefydliadau.

Mae'r holl ddata ar gyfer y cyfnod Ebrill 2019 i Fawrth 2020.

Rhagair i'r adroddiad

Mae Prif Weithredwr Ofcom, Y Fonesig Melanie Dawes, yn siarad am bwysigrwydd cynyddu amrywiaeth y gweithlu darlledu a pham mae gweithio ar y cyd yn allweddol i gyrru newid ymlaen.

Darllen yr adroddiad llawn

Amrywiaeth a Chyfle Cyfartal mewn teledu a radio 2019/20 (PDF, 2.4 MB)

Mae'r adroddiad hwn yn edrych ar amrywiaeth y darlledwyr teledu a radio yn 2019/20, gan dynnu sylw at dueddiadau a'r camau y maent wedi'u cymryd i wella amrywiaeth a chynhwysiad. Mae'n cynnwys gwybodaeth fanylach am yr wyth darlledwr teledu a radio sydd â'r cyfrannau mwyaf o wylio a gwrando (Teledu'r BBC, Channel 4, ITV, Sky, Viacom, Bauer Radio, Radio'r BBC a Global).

Mae'r dogfennau isod yn Saesneg yn unig.

Diversity and equal opportunities in television and radio: 2020 methodology (PDF, 351.8 KB)

Diversity and equal opportunities in television and radio: 2020 full questionnaire (PDF, 2.6 MB)