Adroddiad Blynyddol a Chyfrifon Ofcom 2019/20
Sicrhau bod cyfathrebiadau yn gweithio i bawb
Ofcom yw rheoleiddiwr y DU ar gyfer y gwasanaethau cyfathrebu yr ydym yn eu defnyddio ac yn dibynnu arnynt bob dydd. Ein gweledigaeth yw sicrhau bod cyfathrebu yn gweithio i bawb.
Mae defnyddwyr a busnesau'r DU yn dibynnu ar ddefnyddio gwasanaethau cyfathrebu bob dydd. Ni fu erioed yn bwysicach cael cyfathrebu dibynadwy a chadarn ar draws y DU ac mae'n chwarae rôl hanfodol yn ymateb y DU i'r coronafeirws.
Mae'r gwaith a wnawn o fudd i ddefnyddwyr a busnesau yn y DU i gael y gorau o wasanaethau cyfathrebu ac mae'n sicrhau bod pobl yn gallu cael gafael ar wasanaethau lle bynnag y bônt yn y DU. Rydym yn sicrhau bod defnyddwyr yn cael eu trin yn deg ac yn cael eu hamddiffyn rhag arferion amheus ac rydym yn cefnogi cystadleuaeth lle bo'n briodol i gyflawni canlyniadau da.
Darllenwch yr adroddiad yn llawn
Mynd yn syth i…
Neges wrth ein Cadeirydd...
Yr Arglwydd Burns
Wrth i gymdeithas ddod i delerau ag effaith Covid-19, mae'r cyfyngiadau symud ar draws Prydain a’r mesurau cadw pellter cymdeithasol wedi pwysleisio rôl hollbwysig rhwydweithiau band eang a symudol i gefnogi ein heconomi ac i sicrhau bod pobl yn gallu cysylltu â’i gilydd – ni waeth pa mor bell ydyn nhw oddi wrth ei gilydd.
Wrth wynebu’r heriau hyn, mae’r rhwydweithiau hynny wedi perfformio’n dda – gan adlewyrchu’n rhannol y camau y mae Ofcom, y Llywodraeth a’r diwydiant wedi’u cymryd dros y flwyddyn diwethaf i sicrhau gwell cysylltiadau band eang a symudol i bobl ar hyd a lled y DU.
… A’n Prif Weithredwr
Y Fonesig Melanie Dawes
Roedd yn fraint gennyf ddod yn Brif Weithredwr Ofcom ym mis Mawrth. Dim ond pythefnos ar ôl dechrau ar fy rôl, roedd Ofcom – fel cymaint o sefydliadau – wedi newid dros nos i weithio gartref, ac yn ailystyried ein rôl wrth i’r wlad ymdopi ag argyfwng Covid-19.
Yn ystod y cyfnod hwn, mae cynnal rhwydweithiau cyfathrebu ledled y DU yn bwysicach nag erioed. Mae’r sectorau mae Ofcom yn eu rheoleiddio wedi bod yn allweddol wrth helpu teuluoedd, busnesau ac unigolion yn ystod y pandemig.
Uchafbwyntiau 2019/20
Cliciwch neu bwyswch i ddarllen mwy am ein gwaith dros y flwyddyn ddiwethaf:
Rhwymedigaeth gwasanaeth cyffredinol band eang (USO)
Ofcom sy’n gyfrifol am weithredu'r USO. Ers mis Mawrth 2020, mae defnyddwyr wedi gallu gwneud cais am gysylltiad band eang teilwng.
Buddsoddi mewn rhwydweithiau ffeibr llawn
Eleni, rydym wedi amlinellu ein fframwaith rheoleiddio arfaethedig i gefnogi buddsoddiad mewn rhwydweithiau ffeibr llawn (Adolygiad o’r Farchnad Telegyfathrebiadau Sefydlog Gyfanwerthol). O dan gynlluniau presennol darparwyr, mae’n bosib y byddai o leiaf 50% o’r DU yn gallu cael darpariaeth ffeibr llawn o fewn pum mlynedd.
Rhwydwaith Gwledig a Rennir
Roeddem wedi rhoi cyngor technegol i'r Llywodraeth ynghylch cynigion gweithredwyr rhwydweithiau symudol ar gyfer ‘rhwydwaith gwledig a rennir’ (SRN), a fydd yn helpu i gynyddu'r ddarpariaeth 4G ar draws y DU.
Rhannu mynediad i sbectrwm
Rroeddem wedi cadarnhau cynlluniau i ganiatáu rhannu mynediad mewn nifer o fandiau sbectrwm, ac wedi bwrw ymlaen â’n rhaglen waith i ryddhau mwy o sbectrwm er mwyn gallu lansio gwasanaethau symudol newydd, fel 5G.
O dan ein rhaglen Tegwch i Gwsmeriaid, roeddem wedi cyhoeddi fframwaith yn amlinellu sut byddwn ni'n barnu a yw cwsmeriaid yn cael eu trin yn deg gan gwmnïau telegyfathrebiadau a theledu drwy dalu.
Y llynedd, roedd pob un o ddarparwyr mwyaf y DU wedi gwneud ymrwymiad pwysig i roi tegwch yn gyntaf.
Newid darparwr – rydym wedi’i gwneud yn haws i gwsmeriaid adael eu cwmni gwasanaethau symudol presennol, ac wedi cyflymu’r broses honno, drwy adael iddyn nhw newid drwy anfon neges destun syml. Rydym hefyd wedi’i gwneud yn haws i newid darparwr band eang a chael sicrwydd o gyflymder penodol.
Erbyn hyn, mae'n rhaid i gwmnïau band eang, ffôn a theledu drwy dalu ddweud wrthych chi pan fydd eich contract yn dod i ben, a rhoi gwybod i chi am y cynigion gorau sydd ar gael ganddyn nhw.
Sgrin Fach: Trafodaeth Fawr
Roeddem wedi cyhoeddi adolygiad pum mlynedd o Ddarlledu Gwasanaeth Cyhoeddus (2014-18), i sbarduno sgwrs genedlaethol ynghylch sut gellid diogelu manteision darlledu gwasanaeth cyhoeddus ar gyfer y dyfodol.
Adolygiad o gynyrchiadau rhanbarthol
Roeddem wedi cyhoeddi canllawiau wedi’u diweddaru ar gyfer darlledu yn y sector cyhoeddus sy’n gysylltiedig â’r gwaith o wneud rhaglenni y tu allan i Lundain, a’r meini prawf sy’n diffinio cynhyrchiad rhanbarthol.
Amlygrwydd cyfeiryddion rhaglenni electronig (EPG)
Roeddem wedi cyhoeddi datganiad gyda diwygiadau i’r Cod cyfeiryddion rhaglenni electronig, i wneud yn siŵr ei bod hi’n dal yn hawdd dod o hyd i'r prif sianeli darlledu gwasanaeth cyhoeddus. Disgwylir y bydd y diwygiadau’n dod i rym yn 2021.
Gwasanaethau rhaglenni ar-alw (ODPS)
Roeddem wedi gweithio gyda darparwyr gwasanaethau rhaglenni ar-alw, grwpiau defnyddwyr a’r Llywodraeth ynghylch sut dylai rheoliadau sydd ar y gweill wneud y gwasanaethau hyn yn fwy hygyrch.
Gorfodi’r Cod Darlledu
Roeddem wedi cofnodi 82 achos o dorri’r Cod, ac wedi rhoi saith sancsiwn i ddarlledwyr, yn cynnwys chwech dirwy ariannol.
Gwneud Synnwyr o’r Cyfryngau
Roeddem wedi ehangu ein gweithgarwch llythrennedd yn y cyfryngau drwy lansio’r rhaglen Gwneud Synnwyr o’r Cyfryngau. Mae rhwydwaith Gwneud Synnwyr o’r Cyfryngau yn dwyn ynghyd sefydliadau ac unigolion sydd ag arbenigedd mewn llythrennedd yn y cyfryngau, gyda'r nod cyffredin o wella sgiliau ar-lein oedolion a phlant yn y DU, eu gwybodaeth a’u dealltwriaeth o hynny.
Adroddiad Ein Gwlad Ar-lein
Roeddem wedi cyhoeddi’r adroddiad blynyddol hwn, sy’n ystyried sut mae pobl yn cael eu gwasanaethu gan wasanaethau a chynnwys ar y rhyngrwyd, a’u hagweddau at fod ar-lein. Ochr yn ochr â hyn, roeddem wedi diweddaru ein dadansoddiad a’n hymchwil ar agweddau oedolion a’u defnydd o gyfryngau.
Niwed ar-lein
Roeddem wedi cyhoeddi mwy o waith ymchwil manwl yn archwilio profiadau pobl o niwed ar-lein Roeddem hefyd wedi edrych ar sut gallai deallusrwydd artiffisial helpu i gymedroli cynnwys ar-lein wrth symud ymlaen dros y pum mlynedd nesaf.
Diogelwch a chadernid rhwydweithiau’r DU
Rydym yn gweithio gyda'r Adran dros Dechnoleg Ddigidol, Diwylliant, y Cyfryngau a Chwaraeon ar y broses ddeddfwriaethol a fydd yn rhoi pwerau newydd i Ofcom ar gyfer Gofynion Diogelwch Telegyfathrebiadau, gyda’r nod o wella lefelau diogelwch yn y sector telegyfathrebiadau
Adroddiadau ar Amrywiaeth a Chyfle Cyfartal
Roeddem wedi cyhoeddi adroddiadau amrywiaeth ar gyfer radio a theledu. Am y tro cyntaf, roeddem wedi casglu data ar gefndir economaidd-gymdeithasol y gweithlu teledu.
Adolygiad ariannol
Rydym wedi ymrwymo i fod yn sefydliad sy’n cynnig gwerth am arian, ac sy’n ymwybodol o gostau wrth gyflawni ein dyletswyddau. Dros y 15 mlynedd diwethaf, rydym wedi parhau i sicrhau arbedion cyllidebol mewn termau real tebyg am debyg o un flwyddyn i'r llall.
Llwytho i lawr
Adroddiad Perfformiad
Mae’r adran hon yn egluro sut rydym wedi ein trefnu i gyflawni ein dyletswyddau a sut hwyl rydym wedi'i chael arni o ran ein hamcanion strategol sydd wedi’u nodi yn ein Cynllun Gwaith Blynyddol, yr effaith ar ddefnyddwyr a’r canlyniadau, a’r camau nesaf rydym yn eu cymryd.
(PDF, 1.7 MB)
Adroddiad Atebolrwydd
Mae’r adran hon yn egluro’r trefniadau llywodraethu a’r llinellau atebolrwydd i sicrhau bod ein hamcanion a’n dyletswyddau yn cael eu cyflawni.
(PDF, 932.2 KB)
Datganiadau ariannol
Mae’r adran hon yn cynnwys y datganiadau ariannol, yn cynnwys nodiadau’r cyfrifon am y flwyddyn a ddaeth i ben ar 31 Mawrth 2020.
(PDF, 671.1 KB)
Atodiadau
Yn cynnwys Adran 400; datganiadau rheoleiddiol; rhaglenni ar gyfer archwiliadau; cwynion darlledu, trwyddedu a gorfodi sbectrwm; data cynaliadwyedd, ac; ein rhaglen glirio 700MHz.
(PDF, 705.5 KB)
Adran 400 Ffioedd Trwyddedau a Chyfrifon Dirwyon
Manylion y ffioedd a’r taliadau disgwylir i Ofcom gasglu o dan Adran 400 y Ddeddf Cyfathrebiadau 2003 (Saesneg yn unig).
(PDF, 738.8 KB)