Digwyddiadau
Mae Ofcom yn cynnal amrywiaeth o ddigwyddiadau gan gynnwys cynadleddau, seminarau a gweminarau, i rannu gwybodaeth, arbenigedd ac ymwybyddiaeth o'n gwaith.
Ein nod wrth wneud hyn yw adeiladu cysylltiadau cryf a chydweithiol a fydd yn para'n hir gyda phawb sydd â diddordeb yng ngwaith Ofcom.
Digwyddiadau sydd ar y gweill
Cefnogi menywod ym maes technoleg ddarlledu
7 Hydref 2021
Mae technoleg a pheirianneg yn hanfodol i ddarlledu, ac yn sbarduno arloesedd yn y sector hwn sy'n newid yn gyflym. Fodd bynnag, yn 2019 adroddwyd mai dim ond 28% o'r rolau technoleg darlledu a pheirianneg oedd yn cael eu cynnal gan fenywod. Fel rheoleiddiwr cyfathrebu'r DU, rydym wedi ymrwymo i weithlu mwy amrywiol, ac rydym am helpu i wella hyn drwy godi ymwybyddiaeth o'r cyfleoedd gyrfa cyffrous sydd ar gael.
Yn y sesiwn hon byddwch yn clywed gan fenywod ysbrydoledig sydd wedi dod o hyd i ffyrdd gwahanol o ddatblygu eu harbenigedd technegol o fewn y sector darlledu. Byddwn hefyd yn trafod y rôl y gall pawb ei chwarae wrth hyrwyddo mwy o amrywiaeth a chefnogi menywod mewn rolau technegol.
Siaradwyr a gadarnhawyd: Cristina Gomila, Rheolwr Gyfarwyddwr Technoleg Cynnwys ac Arloesedd yn Sky, Judy Parnall, Pennaeth Safonau a Diwydiant yn y BBC a Ranjeet Kaur, Pennaeth Cyflwyno yn DTG Testing. Bydd Graham Plumb, Cyfarwyddwr Cynllunio Sbectrwm a Steph Barnett, Uwch Arbenigwr Darlledu o Ofcom yn ymuno ac yn rhannu eu barn am weithio ym maes Darlledu.
Gallwch gofrestu am y digwyddiad ar-lein.
I gael mwy o wybodaeth am ddigwyddiadau sydd gennym ar y gweill, cysylltwch â ofcomevents@ofcom.org.uk
Digwyddiad ymchwil Ofcom a Digital Poverty Alliance ar fynediad a chynhwysiad digidol yn y DU
30 Mehefin 2021, 10.00am - 1.30pm
Bydd Ofcom a Digital Poverty Alliance yn cynnal symposiwm ymchwil rhithwir i gymharu, cydgrynhoi a gwella data ar fynediad a chynhwysiad digidol yn y DU. Bydd y digwyddiad yn dod â sefydliadau ac unigolion sy'n gwneud ymchwil neu'n gweithio ym maes mynediad a chynhwysiad digidol yn y DU ynghyd. Amcanion y symposiwm yw gweithio ar y cyd, rhannu mewnwelediad ymchwil, nodi bylchau yn y wybodaeth a thrafod sut i bontio'r bylchau hynny.
Bydd y sesiwn yn rhyngweithiol, a bydd cyfle i fynycheion rannu manylion eu hymchwil a gwaith presennol neu gynlluniedig yn y maes hwn, a bydd modd iddynt gyfrannu at drafodaeth ar fylchau yn yr ymchwil a'r data.
Mae'r digwyddiad hwn trwy wahoddiad yn unig.
Y Dyfodol Di-wifr: Heriau rheoli sbectrwm byd-eang ar gyfer y 2020iau
6 Gorffennaf 2021, 1.30pm – 3.00pm
Mae sbectrwm radio yn cysylltu ein byd digidol. Wrth gael ei ddefnyddio'n glyfar ac yn effeithlon, gall barhau i drawsnewid y ffordd yr ydym yn cysylltu, yn byw ac yn gweithio, yn ogystal â datblygu ein dealltwriaeth o'n byd naturiol. Ond dim ond maint cyfyngedig o sbectrwm sydd ar gael, ac mae llawer o heriau o ran sut rydym yn rheoli ac yn defnyddio sbectrwm ar lefel genedlaethol a rhyngwladol, gan gydbwyso gwahanol ddefnyddiau ac anghenion.
Dyma'r heriau y bydd llawer o wledydd a'r diwydiant yn eu hwynebu. Heb fynd i'r afael â'r rhain ar y cyd, bydd perygl i ddatblygu byd di-wifr y dyfodol yn effeithiol, gan fygu arloesedd a gohirio'r manteision i gymdeithas a'r economi.
Nid oes unrhyw atebion hawdd yn y byd sbectrwm ond mae angen cynnal sgwrs yn fyd-eang ar sut i sicrhau y byddwn yn elwa o gyfleoedd di-wifr y dyfodol.
Mae'r digwyddiad hwn wedi'i dargedu at unigolion sydd â diddordeb mewn rheoli sbectrwm.
Unlocking the potential of Terahertz spectrum
14 July 2021
There is growing interest in using higher frequencies above 100 GHz, commonly referred to as ‘Terahertz’ spectrum, for all sorts of uses including new sensing and positioning applications, medical diagnosis, industrial processes, and potentially the new frontier for mobile and wireless broadband networks.
This event is aimed at starting a conversation about how spectrum regulators can help maximise the value of Terahertz bands and how best to share this limited resource between existing and new users. Given the scale of the investment and timescales required to develop the technologies and applications, a clear roadmap of how and when spectrum will be made available is vital to unlock its potential.
We were joined by an international panel of experts from academia, industry, and regulation including: Javier Juárez, Commissioner, Federal Institute of Telecommunications, Mexico; Agostinho Linhares, Spectrum Orbit, Anatel, Brazil; Professor Ted Rappaport, New York University; Dr Howard Benn, VP Communications Research, Samsung Electronics; and Professor Brian Ellison, Fellow of the Royal Academy of Engineering and Head of Millimetre-Wave Technology at the Rutherford Appleton Laboratory.
Dros bawb: Amrywiaeth mewn darlledu 2021
30 Medi 2021
Ymunwch â ni yn nigwyddiad DROS BAWB ddydd Iau 30 Medi i ystyried gorffennol, presennol a dyfodol amrywiaeth ym maes darlledu yn y DU. Bydd y digwyddiad rhithwir hwn yn cynnwys trafodaethau, cyfweliadau a sesiynau hyfforddi, oll yn edrych ar ffyrdd ymarferol o wneud darlledu yn sector mwy amrywiol a chynhwysol.
Drwy gydol y dydd byddwn yn clywed lleisiau ar draws meysydd teledu a'r radio, gan bobl ar ddechrau eu gyrfaoedd i enwau sefydledig.
Mae'r digwyddiad hwn wedi'i dargedu at unigolion yn y diwydiant darlledu.
Gofyn am siaradwr gan Ofcom ar gyfer eich digwyddiad
Os hoffech chi wneud cais i rywun gan Ofcom ddod i siarad yn eich digwyddiad, cysylltwch â'n swyddfa'r wasg.
A allwch chi gynnwys cymaint o fanylder â phosib er mwyn i ni ystyried eich cais, a byddwn yn cysylltu'n ôl â chi cyn gynted â phosib.