Ymchwil ar newid darparwr gwasanaethau symudol

Comisiynodd Futuresight ei gomisiynu gan Ofcom i gynnal astudiaeth dyddiadur rhyngweithiol ansoddol ymysg defnyddwyr a oedd yn bwriadu newid eu darparwr rhwydwaith symudol. Nod gyffredinol yr astudiaeth oedd deall profiadau ‘yn y foment’ o’r broses newid a'r mathau o anawsterau mae defnyddwyr yn eu hwynebu wrth geisio newid darparwr.

Cynhaliwyd yr ymchwil ar ffurf cyfres o drafodaethau grŵp ffocws cyflwyniadol ac ar ôl ailymgynnull a drwy ddefnyddio dyddiadur ar-lein rhyngweithiol (neu ddyddiadur papur). Cymerodd 120 o bobl ran yn yr astudiaeth ac roeddent yn dod o bedair gwlad y DU, gan fyw mewn lleoliadau trefol a gwledig. Roedd pawb a gymerodd ran naill ai allan o gontract neu’n tynnu tua diwedd eu contract, ac roeddent eisiau newid eu darparwr rhwydwaith symudol. Cynhaliwyd y gwaith maes rhwng mis Mehefin a mis Tachwedd 2015.

Newid darparwr symudol: adroddiad ymchwil ansoddol PDF, 851.0 KB

Tablau data 2016 (ffeil zip)

Comisiynodd BDRC Continental ei gomisiynu gan Ofcom i gynnal astudiaeth feintiol i ddeall profiad defnyddwyr wrth newid darparwr rhwydwaith symudol. Yn benodol, roeddem yn awyddus i ddeall a chymharu amlder ac effaith profiadau wrth ddefnyddio naill ai’r broses newid PAC ffurfiol neu drefniant Rhoi’r Gorau ac Ail-ddarparu:

• proses Cod Awdurdodi Cludo (PAC) – dyma’r broses sy’n cael ei defnyddio pan fydd pobl eisiau cadw eu rhif ffôn symudol. Mae’n rhaid iddynt gael PAC gan eu darparwr presennol (sy’n colli cwsmer) a chanslo eu gwasanaeth, a rhoi hwn i’w darparwr newydd.
• proses Rhoi’r Gorau ac Ail-ddarparu – dyma’r broses sy’n cael ei defnyddio pan na fydd y defnyddiwr yn dymuno cadw ei rif ffôn. Mae’r trefniant hwn yn golygu ei bod yn rhaid i’r defnyddiwr ganslo ei gontract gyda’r darparwr presennol, a chofrestru gyda’r darparwr newydd.

Cynhaliwyd y gwaith maes ymysg sampl cynrychioladol ar-lein o ddefnyddwyr gwasanaethau symudol rhwng 20fed Awst a 1af Medi 2015. Casglwyd data ymysg samplau cadarn o grwpiau allweddol a oedd o ddiddordeb: y rheini a oedd wedi newid yn ystod y 18 mis diwethaf drwy ddefnyddio pob un o’r ddau drefniant a amlinellir uchod; y rheini a oedd wedi ystyried ac wedi dechrau chwilio ond wedi penderfynu peidio â newid yn ystod y 12 mis diwethaf; a’r rheini a oedd wedi ystyried ond heb ddechrau chwilio ac wedi penderfynu peidio â newid darparwr neu'r rheini nad ydynt wedi ystyried newid darparwr rhwydwaith symudol yn ystod y 12 mis diwethaf.

Adroddiad Ymchwil Meintiol ar Newid Darparwr Gwasanaethau Symudol PDF, 2.5 MB

Tablau Ofcom ynghylch Newid Darparwr Gwasanaethau Symudol PDF, 4.5 MB

Tablau Ofcom ynghylch Newid Darparwr Gwasanaethau Symudol CSV, 1.3 MB