Llwyfannau rhannu fideos sydd wedi hysbysu

Mae llwyfannau rhannu fideos (VSPs) yn fath o wasanaeth fideos ar-lein sy'n galluogi defnyddwyr i uwchlwytho fideos a’u rhannu â'r cyhoedd.

Ers 1 Tachwedd 2020, mae'n rhaid i VSP a sefydlir yn y DU gydymffurfio â rheolau newydd o gwmpas diogelu defnyddwyr rhag cynnwys niweidiol. Mae'n rhaid i ddarparwyr roi mesurau priodol ar waith i ddiogelu pobl dan 18 oed rhag deunydd a allai fod yn niweidiol i'w datblygiad corfforol, meddyliol neu foesol; ac i ddiogelu'r cyhoedd rhag cynnwys troseddol a deunydd sy'n debygol o annog trais neu gasineb. Hefyd bydd angen i wasanaethau sicrhau bod safonau o ran hysbysebion yn cael eu bodloni.

Os ydych wedi'ch sefydlu yn y DU ac fe ddechreuoch ddarparu eich gwasanaeth fideo ar-lein cyn 10 Ionawr 2024, mae'n rhaid i chi hysbysu Ofcom o dan y drefn VSP. Daeth y rhwymedigaeth gyfreithiol hon i rym ar 6 Ebrill 2021.

Os ydych yn ansicr a oes angen i chi hysbysu, darllenwch ein harweiniad. Bydd hyn yn eich helpu i benderfynu p'un a yw eich gwasanaeth yn VSP o fewn awdurdodaeth y DU ai beidio. Os ydyw, gallwch hysbysu eich gwasanaeth i ni ar-lein.