Ymgynghoriad ar ddull strategol arfaethedig Ofcom o drwyddedu radio darlledu

Wrth i'r broses o gyflwyno'r rhaglen drwyddedu Darlledu Sain Ddigidol ar Raddfa Fach (SSDAB) ddod i ben, rydym yn ymgynghori ar ein cynigion i flaenoriaethu lle bo'n briodol, y gweithgarwch trwyddedu darlledu canlynol ar gyfer y tymor byr i'r tymor canolig:

• ceisiadau i hysbysebu ardaloedd amlblecs SSDAB newydd;
• ceisiadau i hysbysebu rhagor o drwyddedau amlblecs DAB lleol mewn ardaloedd lle mae galw amlwg a lle bo amleddau ar gael;
• ceisiadau gan drwyddedwyr amlblecs SSDAB presennol i wella neu ymestyn cwmpas yr amlblecs;
• mwy o hyblygrwydd, lle bo hynny'n briodol, yn ein dull o gymhwyso'r 'nenfwd 40%' o ran SSDAB;
• ystyried rowndiau ymgeisio am drwyddedau radio cymunedol FM newydd;
• ceisiadau i adnewyddu ac estyn trwyddedau analog masnachol a chymunedol;
• ceisiadau gan drwyddedeion analog masnachol a chymunedol presennol ar gyfer newidiadau technegol;
• cefnogaeth ar gyfer rhaglenni trwyddedu parhaus sydd eisoes yn cael eu cynnal;
• parhau i ddarparu cefnogaeth barhaus i wasanaethau trwyddedig presennol.

Nod y cynigion yw gwneud y defnydd gorau o adnoddau sbectrwm cyfyngedig a chyflawni'r budd mwyaf i gynulleidfaoedd yn y DU, yn enwedig y rhai sydd heb eu gwasanaethu ar hyn o bryd.

Ymateb i'r Alwad hon am Dystiolaeth

Cyflwynwch ymatebion gan ddefnyddio'r ffurflen ymateb erbyn 5pm, 8 Ebrill 2026 fan bellaf.