Ymchwiliad i berfformiad ansawdd gwasanaeth y Post Brenhinol yn 2024/25

Heddiw, mae Ofcom wedi agor ymchwiliad i gydymffurfiaeth y Post Brenhinol â'i dargedau perfformiad ansawdd gwasanaeth yn ystod 2024/25.

Mae ein rheolau yn ei gwneud yn ofynnol i'r Post Brenhinol gyrraedd targedau perfformiad ansawdd gwasanaeth penodol wrth ddarparu cynhyrchion gwasanaeth cyffredinol. Ymhlith targedau eraill, rhaid i'r Post Brenhinol:

• dosbarthu 93% o bost dosbarth cyntaf o fewn un diwrnod gwaith i'w gasglu; a
• dosbarthu 98.5% o bost ail ddosbarth o fewn tri diwrnod gwaith i'w gasglu

Mae perfformiad yn erbyn y targedau hyn yn cael ei fesur fel lefel perfformiad cyfartalog yn flynyddol ac eithrio cyfnod y Nadolig.

Ar 23 Mai 2025, cyhoeddodd y Post Brenhinol nad oedd wedi cyrraedd y targedau perfformiad uchod yn y cyfnod 2024/25, gan ddanfon:

• dosbarthu 76.5% o bost dosbarth cyntaf o fewn un diwrnod gwaith i'w gasglu; a
• dosbarthu 92.2% o bost ail ddosbarth o fewn tri diwrnod gwaith i'w gasglu

Y llynedd fe wnaethon roi ddirwyo o £10.5 miliwn i’r Post Brenhinol am ei berfformiad gwael yn erbyn y targedau ac am beidio â gwella digon ar berfformiad y flwyddyn flaenorol. Gwnaethom yn glir hefyd, pan nad yw cwsmeriaid yn derbyn y lefel o wasanaeth y dylent ei chael, ein bod yn disgwyl i Bost Brenhinol gymryd camau priodol i gyflawni gwelliant sylweddol a pharhaus.

Mae Ofcom yn cymryd cydymffurfiaeth â thargedau ansawdd gwasanaeth o ddifrif ac yng ngoleuni perfformiad Post Brenhinol a adroddwyd, rydym yn bwriadu ymchwilio i:

• a oes sail resymol dros gredu bod Post Brenhinol wedi methu â chydymffurfio â'i rwymedigaethau o dan amod DUSP 1.9.1 mewn perthynas â'r cyfnod rheoleiddio 2024/25, gan gynnwys ystyried unrhyw welliannau a wnaed gan Bost Brenhinol dros y cyfnod hwnnw; a
• pan fo mae methiant, a allai fod yn briodol gosod cosb ariannol ar Bost Brenhinol am y methiant hwnnw, a lefel unrhyw gosb.