Cymharu prisiau
Mae Ofcom yn credu y dylai pob cwsmer ffôn, band eang a theledu drwy dalu gael bargen deg. Rydym yn dymuno bod cwsmeriaid yn gallu siopa'n hyderus, gwneud dewisiadau gwybodus a chael y fargen gywir ar gyfer eu hanghenion. Mae dulliau cymharu, megis gwefannau cymharu prisiau, yn darparu gwasanaeth gwerthfawr i bobl sy'n llywio'r ystod eang o gynnyrch ffôn, band eang a theledu drwy dalu sydd ar gael heddiw.
Ffordd dda o ddarganfod pa fargeinion sydd ar gael yw edrych ar yr offer cymharu digidol sydd wedi'u hachredu gan Ofcom. Dyfernir achrediad Ofcom i wefannau sydd wedi cael eu gwasanaethau cymharu prisiau drwy archwiliad trylwyr sy'n gwirio sut mae'r wefan yn gweithio ac a yw'r wybodaeth a ddarperir yn hygyrch, yn gywir, yn dryloyw, yn gynhwysfawr ac yn gyfredol.
Ar hyn o bryd mae chwe aelod yng nghynllun achredu Ofcom:
| Aelodau | Beth maen nhw'n cymharu |
|---|---|
 |
|
 |
|
 |
|
 |
|
 |
|
 |
|
Adnoddau defnyddiol eraill ar gyfer defnyddwyr:
Dysgwch faint gallech chi arbed gyda'ch band eang drwy ddarllen ein tudalen cyngor prisiau
Darllenwch sut i gael mwy o'ch bargen band eang bresennol
Dysgwch sut mae darparwyr cyfathrebiadau eraill wedi perfformio .
Gwiriwch pa wasanaethau sydd ar gael i chi gyda gwiriwr symudol a band eang Ofcom sydd ar gael yn Gymraeg
Darllenwch ein datganiad am wybodaeth fanwl ynghylch sut mae cynllun achredu offer cymharu Ofcom yn gweithio.
Ffordd dda o ddysgu pa fargeinion sydd ar gael yw i wirio'r gwefannau cymharu prisiau sydd wedi eu hachredu gan Ofcom.
Rydym yn gweithredu cynllun achredu gwirfoddol y gall gwmnïau cymharu ymuno ag ef, ar yr amod eu bod yn bodloni safonau penodol.
Gellir achredu teclyn cymharu os yw'n pasio archwiliad technegol o gyfrifiannell prisiau'r cwmni ac archwiliad gweithredol 'meddal' gan Ofcom yn erbyn meini prawf asesu. Unwaith y byddant wedi'u hachredu, gall gwmni cymharu arddangos logo'r cynllun ar eu gwefannau ac mewn ymgyrchoedd cyhoeddusrwydd.
Ym mis Hydref 2020, cyhoeddwyd newidiadau i'r meini prawf ar gyfer aelodaeth o'r cynllun, a sut y bydd ein cynllun achredu yn gweithio yn y dyfodol –darllenwch ein datganiad, sy'n esbonio sut bydd y cynllun newydd yn gweithio Mae Rhan 4 o'r datganiad hwn yn grynodeb i ymgeiswyr, sy'n cwmpasu meini prawf diwygiedig y cynllun ac amlinelliad o'r broses ymgeisio.
Bydd meini prawf newydd y cynllun yn dod i rym o 30 Ebrill 2021. Dylai aelodau presennol y cynllun sicrhau eu bod yn cydymffurfio â meini prawf newydd y cynllun erbyn 30 Ebrill fan bellaf. Bydd archwiliadau'n dechrau o fis Mai 2021. Dylai dulliau cymharu nad ydynt yn aelodau o'r cynllun ar hyn o bryd ond sy'n dymuno gwneud cais am achrediad fod yn berthnasol hefyd o fis Mai 2021. Cyn i feini prawf newydd y cynllun ddod i rym, gall gwmnïau cymharu digidol sydd â diddordeb mewn cael eu hachredu gan Ofcom gysylltu â ni'n uniongyrchol a chyflwyno gwybodaeth gymhwysedd ragarweiniol drwy ebostio comparison.tools@ofcom.org.uk.