Cysylltedd symudol y gallwch ddibynnu arno

Rydym wedi lansio papur trafod ar sut rydyn ni'n meddwl y dylai cysylltedd symudol da edrych a sut i'w wella.

Mae cysylltedd symudol bellach yn sail i'r ffordd y mae pobl yn byw, yn gweithio, ac yn teithio – ond yn y DU yn rhy aml, nid yw'n ddigon da. Mae cysylltedd symudol gwell yn hanfodol i gefnogi twf economaidd a galluogi cynhwysiant digidol.

Mae'r papur trafod hwn yn nodi sut rydyn ni'n meddwl y dylai cysylltedd symudol da edrych i bobl a busnesau, pam mae'r ddarpariaeth bresennol yn methu, a’r hyn sydd angen newid i ddarparu cysylltedd da a dibynadwy ledled y DU. Rydym yn egluro sut mae newidiadau diweddar yn y farchnad yn debygol o helpu, a lle y gallai fod angen camau gweithredu pellach.

Mae cysylltedd symudol da a dibynadwy yn galw am ymdrech genedlaethol, gyda diwydiant, llywodraeth, awdurdodau lleol, landlordiaid ac eraill yn chwarae eu rhan.

Bydd y papur yn sail i'n hymgysylltiad gyda rhanddeiliaid. Byddwn yn defnyddio ymatebion i'r papur trafod hwn ac adborth gan randdeiliaid i dargedu ein gwaith i gefnogi gwelliannau mewn cysylltedd symudol ledled y DU.

Byddwn yn darparu diweddariad yn gynnar yn 2027, gan nodi'r hyn yr ydym wedi'i ddysgu a sut y bydd yn llunio ein blaenoriaethau a'n camau nesaf.

Ymateb i'r papur trafod hwn

Cyflwynwch ymatebion gan ddefnyddio'r ffurflen ymateb erbyn 5pm, 29 Gorffennaf 2026 fan bellaf.