Ymgynghoriad: Amlygrwydd a Hygyrchedd ar platfformau teledu cysylltiedig: Cod Ymarfer drafft a'n Canllawiau drafft ar Amcanion y Cytundeb

Cyflwynodd Deddf y Cyfryngau 2024 reolau newydd hanfodol i helpu i wneud cynnwys gwasanaeth cyhoeddus yn haws i'w canfod a’i ddarganfod ar y platfformau teledu cysylltiedig y mae pobl yn eu defnyddio fwyfwy i ddewis a chael mynediad at raglenni teledu. Rhaid i'r platfformau teledu cysylltiedig hyn hefyd gymryd camau i ymgorffori nodweddion hygyrchedd.

O dan y drefn newydd, am y tro cyntaf, rhaid i ddarparwyr y platfformau teledu cysylltiedig a ddefnyddir fwyaf sicrhau bod BBC iPlayer a chwaraewyr teledu darlledwyr gwasanaeth cyhoeddus (PSB) eraill a fel y’u dynodir gan Ofcom, yn ogystal â'r cynnwys gwasanaeth cyhoeddus, ac unrhyw sianeli gwasanaeth cyhoeddus y maent yn eu cynnwys, ar gael ac yn amlwg ar eu platfformau. 

Yn yr ymgynghoriad hwn, rydym yn egluro ein cynigion ar gyfer cod ymarfer a fydd yn nodi'r camau gweithredu a argymhellir y gall darparwyr platfformau teledu cysylltiedig dynodedig eu cymryd i sicrhau bod y chwaraewyr darlledu gwasanaeth cyhoeddus, eu cynnwys gwasanaeth cyhoeddus, ac unrhyw sianeli gwasanaeth cyhoeddus sydd wedi’u cynnwys yn y chwaraewyr yn cael gradd briodol o amlygrwydd ar eu platfformau. 

Mae’r drefn newydd hefyd yn ei gwneud yn ofynnol i ddarparwyr platfformau teledu cysylltiedig dynodedig wneud eu platfformau’n hygyrch i ddefnyddwyr anabl. O’r herwydd, mae'r cod ymarfer arfaethedig yn cynnwys camau gweithredu a argymhellir sy'n anelu at wella profiad pobl anabl (yn enwedig y rhai â chyflyrau golwg neu glyw) wrth lywio rhyngwyneb defnyddiwr y platfformau hynny a dod o hyd i gynnwys hygyrch.

Rydym hefyd yn ymgynghori ar ganllawiau ar sut y gall darparwyr llwyfannu teledu cysylltieidg dynodedog a’r darlledwyr gwasanaeth cyhoeddus gydymffurfio â'u dyletswydd newydd i weithredu’n gyson ag amcanion cytundeb statudol wrth ymrwymo i drefniadau gyda’i gilydd i gynnwys chwaraewyr darlledwyr gwasanaeth cyheoddus dynodedig mewn platfformau teledu cysylltiedig dynodedig.

Mae ein cod ymarfer a'n Canllawiau drafft wedi'u cynllunio i fod yn hyblyg ac yn canolbwyntio ar y dyfodol, gan sicrhau y gall darparwyr addasu o fewn y fframwaith rheoleiddio wrth i dechnoleg ac arferion gwylio ddatblygu. 

Byddwn yn cyhoeddi datganiad ynghyd â'r cod ymarfer a'r canllawiau terfynol yn ddiweddarach eleni, gan ystyried ymatebion i'r ymgynghoriad hwn.