Mae Ofcom yn rheoleiddio cynnwys golygyddol (rhaglenni) ar wasanaethau 'fideo ar-alw' (neu ODPS) y DU. Mae gwasanaethau fideo ar-alw yn cynnwys teledu dal i fyny, gwasanaethau ffilmiau ar-lein a'r sawl sy'n cynnig llyfrgell o ddeunydd archif.
Mae yna feini prawf penodol ar gyfer penderfynu a yw gwasanaeth yn dod o dan y diffiniad o ODPS ac a oes angen felly iddo hysbysu Ofcom a chydymffurfio â'n rheolau. Mae'r meini prawf hyn a'r gofynion safonau cynnwys wedi'u disgrifio yn Adran 4A o Ddeddf Cyfathrebiadau 2003 ("y Ddeddf").
Edrychwch ar y rhestr o ddarparwyr gwasanaeth rhaglenni ar-alw (ODPS) sydd wedi hysbysu Ofcom ar hyn o bryd.
Mae Deddf y Cyfryngau 2024 wedi creu cyfundrefn newydd ar gyfer gwasanaethau a elwir yn "Wasanaethau Haen 1". Dyma'r gwasanaethau fideo ar-alw mwyaf poblogaidd; mae'r Llywodraeth wedi gosod trothwy o 500,000 o ddefnyddwyr misol ar gyfartaledd yn y DU. Bydd y gwasanaethau hyn yn cael eu rheoleiddio mewn ffordd sy'n llawer agosach at y ffordd rydym yn rheoleiddio darlledu teledu llinol. Bydd y rheolau newydd, yr ydym yn disgwyl iddynt ddod i rym ddiwedd 2027, hefyd yn berthnasol i unrhyw ODPS a ddefnyddir gan ddarlledwyr gwasanaeth cyhoeddus i gyflawni eu cylch gwaith gwasanaeth cyhoeddus, ac eithrio'r BBC.
Edrychwch ar y rhestr o Wasanaethau Haen 1 sydd wedi hysbys Ofcom.
Os oes gennych unrhyw gwestiynau ynghylch sut mae Ofcom yn rheoleiddio ODPS, cysylltwch â: vod@ofcom.org.uk.
I wneud cwyn am rywbeth rydych wedi'i weld ar wasanaeth fideo ar-alw, ewch i'r adran gŵynion ar ein gwefan.