Cynnwys niweidiol ar-lein: Sut mae rhoi gwybod amdano a ble mae cael cymorth

Os ydych chi neu rywun rydych chi’n ei adnabod wedi cael eich effeithio gan gynnwys anghyfreithlon, niweidiol neu sy’n peri gofid ar-lein, cysylltwch â gwasanaeth cymorth i ddod o hyd i wybodaeth a chael help.

Gallwch gael rhagor o gymorth neu gyngor gan y sefydliadau canlynol.

• Riportio Cynnwys Niweidiol ar gyfer y rhan fwyaf o fathau o gynnwys niweidiol.
• Rhoi gwybod am derfysgaethar gyfer cynnwys terfysgaeth a'r Heddlu Gwrth-derfysgaeth ar gyfer gweithgarwch amheus.
• Internet Watch Foundation ar gyfer cynnwys sy’n dangos cam-drin plant yn rhywiol. Gallwch roi gwybod yn ddienw ac yn gyfrinachol i’r Internet Watch Foundation. Mae’n gweithio gyda llwyfannau ledled y byd i drefnu bod cynnwys cam-drin plant yn rhywiol yn cael ei ddileu.
• Action Fraud yw’r ganolfan riportio ar gyfer twyll a seiberdroseddu yng Nghymru, Lloegr a Gogledd Iwerddon. Dylid rhoi gwybod i’r Heddlu am achosion o dwyll ac unrhyw drosedd ariannol arall yn yr Alban drwy 101.
• True Visionar gyfer rhoi gwybod am droseddau casineb.
• Rheolaeth Camfanteisio ar Blant a’u Hamddiffyn Ar-lein os ydych chi’n blentyn sy’n poeni am rywun yn camfanteisio arnoch, yn eich cam-drin neu’n meithrin perthynas amhriodol â chi ar-lein.
• Yr NSPCC ar gyfer unrhyw bryderon eraill am ddiogelwch a lles plentyn yn y DU.

Dylai hefyd fod yn bosibl rhoi gwybod am y cynnwys yn uniongyrchol i’r gwasanaeth. Dylai gwybodaeth am sut mae gwneud hyn fod ar gael ar ap neu wefan y gwasanaeth.

Ni all Ofcom ymateb i gwynion unigol nac ymchwilio iddynt, ond rydym yn defnyddio cwynion i asesu a yw cwmnïau’n gwneud digon i ddiogelu eu defnyddwyr.

Gwasanaethau cymorth personol

Os ydych chi neu rywun rydych chi’n ei adnabod yn meddwl am hunanladdiad neu am hunan-niweidio, mae’n bwysig siarad â rhywun. Gallwch siarad â’ch meddyg teulu neu oedolyn rydych chi’n ymddiried ynddo, fel athro neu weithiwr cymorth.

Mae cymorth a chefnogaeth ar gael gan y sefydliadau canlynol hefyd.

• Y Samariaid (i bawb)
  Ffôn: 116 123 (llinell gymorth am ddim 24/7)
• Childline (i blant a phobl ifanc o dan 19 oed)
  Ffôn: 0800 1111 (9am – 3:30am)
• Campaign Against Living Miserably (CALM)
  Ffôn: 0800 58 58 58 (5pm tan hanner nos bob dydd)
• Papyrus (i bobl o dan 35 oed)
  Ffôn: 0800 068 41 41 (9am tan hanner nos bob dydd)
• SOS Silence of Suicide (i bawb)
  Ffôn: 0300 1020 505 (8am tan hanner nos bob dydd)
• SHOUT (i bawb)
  Tecst: tecstiwch ‘Shout’ i 85258 (cymorth am ddim 24/7)