Fel rheoleiddiwr cyfathrebiadau’r DU, mae Ofcom yn cael cwynion gan gwsmeriaid am eu gwasanaethau llinell dir, band eang sefydlog, ffôn symudol talu’n fisol, a theledu drwy dalu.
Er mwyn deall yn well beth yw’r rhesymau dros anfodlonrwydd ymysg cwsmeriaid preswyl yn ein sectorau, rydym yn casglu’r data hwnnw ac yn pennu nifer y cwynion a dderbynnir gan y darparwr a’r gwasanaeth. Er mwyn cymharu perfformiad darparwyr, rydym yn mynd ati bob chwarter i gyhoeddi nifer y cwynion a gawsom amdanynt sy’n berthynol i faint eu sylfaen cwsmeriaid (h.y. am bob 100,000 o gwsmeriaid).
Tueddiadau cyffredinol
Yn y chwarter o fis Ionawr i fis Mawrth 2024 (C1 2024), roedd nifer y cwynion a gafodd Ofcom wedi lleihau o’i gymharu â’r chwarter diwethaf (Ch4 2023: mis Hydref i fis Rhagfyr 2023). Roedd cwynion am linellau tir, band eang sefydlog a theledu drwy dalu i gyd wedi gostwng o’r chwarter blaenorol tra bod cwynion am dalu’n fisol wedi codi ychydig.
- NOW Broadband oedd y darparwr band eang y cafwyd y nifer mwyaf o gwynion amdano, gyda chwynion cwsmeriaid yn cael eu harwain yn bennaf gan y ffordd y deliwyd â chwynion.
- NOW Broadband, EE a Virgin Media oedd y darparwyr llinell dir y cafwyd y nifer mwyaf o gwynion amdanynt, gyda chwynion NOW a Virgin yn cael eu harwain gan y ffordd y deliwyd â chwynion, tra bod cwynion EE yn cael eu gyrru gan brofiad cwsmeriaid o namau, gwasanaeth a darpariaeth.
- Virgin Media oedd y darparwr teledu drwy dalu y cafwyd y nifer mwyaf o gwynion amdano, gyda chwynion cwsmeriaid yn cael eu harwain yn bennaf gan y ffordd y deliwyd â chwynion. Sky ac EE gafodd y nifer lleiaf o gwynion fesul 100,000 o danysgrifwyr.
- Utility Warehouse a gafodd y nifer lleiaf o gwynion fesul 100,000 o danysgrifwyr mewn llinell dir, ac ymunodd Shell Energy â Sky fel y darparwyr band eang y cafwyd y nifer lleiaf o gwynion amdanynt.
- O2 yw’r gweithredwr symudol y cafwyd y nifer mwyaf o gwynion amdano o hyd, gyda’u cwynion unwaith eto’n cael eu harwain yn bennaf gan y ffordd y deliwyd â chwynion cwsmeriaid. Tesco Mobile, Sky Mobile, EE a Vodafone a gafodd y nifer lleiaf o gwynion yn y sector ffôn symudol.
Gweler isod am wybodaeth sy’n cymharu nifer y cwynion am ddarparwyr penodol. Mae ein dogfen gefndirol a methodoleg yn mynd i fwy o fanylder.
Mae’r siart isod yn dangos nifer cymharol y cwynion rydym wedi’u cael am wasanaethau band eang, llinell dir, ffonau symudol talu’n fisol, a theledu drwy dalu. Gallwch ddefnyddio’r llithrydd i hidlo drwy’r blynyddoedd.
Nifer cymharol y cwynion fesul 100,000 o gwsmeriaid
Gan ddefnyddio cymhariaeth o un flwyddyn i’r llall, mae nifer cymharol y cwynion am wasanaethau band eang sefydlog, llinell dir a theledu drwy dalu wedi lleihau, tra bod ffonau symudol talu’n fisol wedi cynyddu.
Tablau cynghrair a’r prif gwynion
*BT TV wedi’i ail-frandio i EE TV ddiwedd 2023. O’r herwydd, mae’n bosibl bod cwynion rhai cwsmeriaid i ni yn dal i gael eu gwneud o dan frand BT yn hytrach nag EE wrth i’r brand gael ei ail-frandio.
Cwynion cymharol am bob 100,000 o gwsmeriaid
Pan fo’r gwir wahaniaeth mesuradwy rhwng nifer y cwynion a gafodd y darparwyr am bob 100,000 o gwsmeriaid yn llai nag 1, dylid ystyried eu canlyniadau’n gyfartal. Yn y sectorau canlynol, rydym yn ystyried bod modd cymharu’r darparwyr a restrir:
Band eang sefydlog:
- Sky and Shell Energy;
- TalkTalk and Industry Average
Llinell dir:
- Shell Energy, Plusnet, BT a Vodafone;
- BT, Vodafone a Industry Average;
- Vodafone, EE a NOW Broadband
Ffôn symudol talu’n fisol:
- Tesco Mobile, Sky Mobile, EE a Vodafone;
- iD Mobile, Three UK a Industry Average
Teledu drwy dalu:
1. Sky a EE
Cwynion cyffredinol yn ôl sector
Mae’r siart isod yn dangos cwynion am bob darparwr ym mhob un o’r pedwar sector.
Cymharu darparwyr gwahanol
Er mwyn cymharu perfformiad dau neu fwy o ddarparwyr, dewiswch y gwasanaeth ac yna'r darparwyr rydych am eu cymharu o'r rhestri ar y dde.
Cwynion yn ôl darparwr
Er mwyn cymharu cwynion ar gyfer darparwr ar draws nifer o sectorau, defnyddiwch yr opsiynau ar y dde.
Mwy o wybodaeth
Mae'r data sylfaenol ar gael mewn format CSV (CSV, 13.3 KB) (Saesneg yn unig). Rydym hefyd yn cynnwys data tueddiadau cyffredinol ar gyfer cwynion symudol talu-wrth-ddefnyddio.
Gallwch hefyd ddarllen cefndir a methodoleg (PDF, 219.4 KB) (Saesneg yn unig).
Adroddiadau blaenorol
Noder bod y rhain ar gael yn Saesneg yn unig.
- Cwynion am wasanaethau telathrebu a theledu-drwy-dalu Ch3 2023
- Cwynion am wasanaethau telathrebu a theledu-drwy-dalu Ch2 2023 (PDF, 654.5 KB)
- Cwynion am wasanaethau telathrebu a theledu-drwy-dalu Ch1 2023
- Cwynion am wasanaethau telathrebu a theledu-drwy-dalu Ch4 2022
- Cwynion am wasanaethau telathrebu a theledu-drwy-dalu Ch3 2022
- Cwynion am wasanaethau telathrebu a theledu-drwy-dalu Ch2 2022
- Cwynion am wasanaethau telathrebu a theledu-drwy-dalu Ch1 2022
Mae adroddiadau hŷn ar gael yn yr Archifau Cenedlaethol.