Plwraliaeth y cyfryngau a newyddion ar-lein
Mae bron i ugain mlynedd wedi mynd heibio ers i fframwaith plwraliaeth y cyfryngau'r DU gael ei ddiweddaru ddiwethaf, ac yn ystod y cyfnod hwnnw, mae'r ffordd yr ydym yn cael gafael ar newyddion wedi newid yn ddramatig. Ond gall graddfa fawr yr opsiynau sydd bellach ar gael fod mor llethol ag y maent yn addysgiadol, gyda chynnwys dibynadwy yn ymladd am ofod a sylw ochr yn ochr â deunydd mwy cyffrogarol ac annibynadwy.
Wrth i gyfryngwyr chwarae rôl porthmyn yn gynyddol, gan guradu neu argymell cynnwys newyddion i gynulleidfaoedd ar-lein, nid yw'n glir bod pobl yn ymwybodol o'r dewisiadau sy'n cael eu gwneud ar eu rhan, na'u heffaith.
Er mwyn deall goblygiadau'r newidiadau hyn yn well, y llynedd fe ddechreuon ni raglen waith ar ddyfodol plwraliaeth y cyfryngau. Yn benodol, aethon ni ati i archwilio effeithiau posib y twf mewn newyddion ar-lein, a rôl cyfryngwyr ar-lein yn benodol, ar blwraliaeth y cyfryngau, a pha newidiadau rheoleiddio, os o gwbl, y gallai fod eu hangen i'w chynnal a'i sicrhau.
Mae'r ddogfen drafod hon yn nodi ein dealltwriaeth o sut mae cyfryngwyr ar-lein yn gweithredu o fewn ecosystem newyddion y DU ar hyn o bryd. Rydyn ni'n esbonio'r rôl maen nhw'n ei chwarae yn y gadwyn gwerth newyddion; yn archwilio'r risgiau posib y gallent eu hachosi a thrafod rhai opsiynau posib ar gyfer diwygio'r fframwaith rheoleiddio i helpu i sicrhau canlyniadau cadarnhaol ar gyfer plwraliaeth y cyfryngau yn y DU.
Dros y misoedd i ddod, gan adeiladu ar y cwestiynau rydyn ni'n eu gofyn drwy'r ddogfen hon, byddwn ni'n ymgysylltu â diwydiant a phartïon â diddordeb. Wedyn, rydym yn bwriadu datblygu argymhellion ffurfiol i'w hystyried gan Lywodraeth y DU.
Discussion document: Media plurality and online news (PDF, 6.4 MB)
Dogfen drafod: Plwraliaeth y cyfryngau a newyddion ar-lein (PDF, 4.3 MB)
Mae ein hadolygiad wedi cael ei gyfeirio gan amrywiaeth o dystiolaeth. Mae mwy o wybodaeth ar gael yn yr atodiadau (Saesneg yn unig).
Atodiadau
Noder bod y rhain ar gael yn Saesneg yn unig.