Adroddiad: Cwynion am wasanaethau band eang, llinell dir, symudol a theledu-drwy-dalu

Ffonau a band eang Ansawdd gwasanaeth Ymchwil, ystadegau a data
Cyhoeddwyd: 25 Ionawr 2024
Diweddarwyd diwethaf: 26 Hydref 2026

Fel rheoleiddiwr cyfathrebiadau'r DU, mae Ofcom yn derbyn cwynion gan gwsmeriaid am eu gwasanaethau llinell dir, band eang sefydlog, ffôn symudol talu’n fisol a theledu-drwy-dalu.

Er mwyn deall y rhesymau dros anfodlonrwydd ymhlith cwsmeriaid preswyl yn ein sectorau yn well, rydym yn casglu'r data hwnnw ac yn pennu nifer y cwynion a dderbynnir, a hynny yn ôl darparwr ac yn ôl gwasanaeth. Er mwyn cymharu perfformiad darparwyr, bob chwarter, rydym yn cyhoeddi nifer y cwynion a dderbyniwyd amdanynt mewn perthynas â maint eu seiliau cwsmeriaid (h.y. fesul 100,000 o gwsmeriaid).

Tueddiadau cyffredinol

Yn y chwarter rhwng Ebrill a Mehefin (Ch2 2026), gostyngodd y nifer o gŵynion i Ofcom o'i gymharu â'r chwarter blaenorol (Ch1 2026: Ionawr i Fawrth 2026), wedi'i yrru gan ostyngiad yn y cwynion a gawsom am deledu-drwy-dalu. Arhosodd cwynion am fand eang sefydlog, llinell dir a ffôn symudol talu’n fisol yr un fath. 'Diffygion, gwasanaeth a darpariaeth' oedd y prif reswm dros gŵynion mewn band eang, llinell dir a symudol talu’n fisol, ac 'Ymdrin â chwynion' oedd y prif reswm ar gyfer teledu-drwy-dalu.

  • BT, EE, TalkTalk a Vodafone oedd y darparwyr band eang sefydlog y cwynwyd amdanynt fwyaf. Ni welwyd newid yn nifer y cwynion am BT, gwelodd EE gynnydd, a gwelodd TalkTalk a Vodafone ostyngiad yn eu cwynion fesul 100,000 o danysgrifwyr o'i gymharu â'r chwarter blaenorol.
  • Plusnet, Sky a Virgin Media a gafodd y nifer lleiaf o gŵynion am fand eang sefydlog.
  • Plusnet oedd y darparwr llinell dir y cwynwyd mwyaf amdano. Gwelwyd cynnydd yn y cwynion am Plusnet o gymharu â'r chwarter blaenorol. Roedd cwynion cwsmeriaid yn cael eu gyrru'n bennaf gan sut roedd eu cwynion yn cael eu trin.
  • Sky, Utility Warehouse, Virgin Media a Vodafone oedd y darparwyr llinell dir y cwynwyd amdanynt leiaf.
  • O2 a Sky Mobile oedd y darparwr ffôn symudol talu’n fisol a gafodd y mwyaf o gŵynion. Roedd cwynion cwsmeriaid yn ymwneud yn bennaf â phroblemau gyda diffygion, gwasanaeth a darpariaeth (O2) a phrofiadau wrth newid darparwr (Sky Mobile).
  • Cafwyd y nifer lleiaf o gŵynion am EE, Giffgaff, Tesco Mobile, Three, Vodafone ac iD Mobile o ran gwasanaethau ffôn symudol talu’n fisol.
  • EE a Virgin Media oedd y darparwyr teledu-drwy-dalu a gafodd y nifer mwyaf o gŵynion.
  • Y darparwr teledu-drwy-dalu a gafodd y nifer lleiaf o gŵynion oedd TalkTalk.

Gweler isod am wybodaeth am gymharu nifer y cwynion am ddarparwyr penodol. Mae ein dogfen gefndir a methodolegdad yn cynnwys mwy o fanylion.

Mae'r siart isod yn dangos y nifer cymharol o gŵynion yr ydym wedi’u derbyn am wasanaethau band eang, llinell dir, ffôn symudol a theledu-drwy-dalu. Gallwch ddefnyddio'r llithrydd i hidlo yn ôl blwyddyn.

Nifer cymharol y cwynion fesul 100,000 o gwsmeriaid

Gan ddefnyddio cymhariaeth o un flwyddyn i’r llall, mae swm cymharol y cwynion am wasanaethau band eang sefydlog, llinell dir, ffonau symudol talu’n fisol a theledu trwy dalu wedi gostwng.

I gael y profiad gorau, ehangwch i sgrin lawn (cliciwch ar y botwm yn y gornel dde ar y gwaelod).

Tablau Cynghrair a Chwynion Allweddol

Band eang sefydlog

Llinell dir

Symudol talu'n fisol

Teledu-drwy-dalu

Cwynion cymharol am bob 100,000 o gwsmeriaid

Lle mae’r gwahaniaeth mesuradwy gwirioneddol rhwng nifer y cwynion am ddarparwyr fesul 100,000 o gwsmeriaid yn llai nag 1, rydym yn ystyried bod eu canlyniadau’n gymharol. O fewn y sectorau canlynol, rydym o'r farn bod y darparwyr rhestredig yn gymharol:

Band Eang Sefydlog:

  1. Virgin Media, Sky a Plusnet;
  2.  Plusnet a Chyfartaledd y Diwydiant;
  3. EE, Vodafone, TalkTalk a BT.

Llinell dir:

  1. Utility Warehouse, Sky, Vodafone a Virgin Media;
  2. Virgin Media a Chyfartaledd y Diwydiant;
  3. EE a BT; 4. BT a TalkTalk  

Ffôn Symudol Talu’n Fisol: 

  1. Giffgaff, Tesco Mobile, EE, Vodafone, iD Mobile, Cyfartaledd y Diwydiant a Three;
  2. iD Mobile, Cyfartaledd y Diwydiant, Three ac O2; 
  3. O2 a Sky Mobile.  

Teledu-drwy-dalu: 

  1. Sky a Chyfartaledd y Diwydiant;
  2. Virgin Media ac EE.  

Cwynion cyffredinol yn ôl sector

Mae’r siart isod yn dangos cwynion am bob darparwr ym mhob un o’r pedwar sector.  

I gael y profiad gorau, ehangwch i sgrin lawn (cliciwch ar y botwm yn y gornel dde ar y gwaelod).

Cymharu gwahanol ddarparwyr

I gymharu perfformiad dau neu fwy o ddarparwyr, dewiswch y gwasanaeth ac yna'r darparwyr rydych chi am eu cymharu o'r rhestrau ar y dde.

I gael y profiad gorau, ehangwch i sgrin lawn (cliciwch ar y botwm yn y gornel dde ar y gwaelod).

Cwynion yn ôl darparwr

I gymharu perfformiad dau neu fwy o ddarparwyr, dewiswch y gwasanaeth ac yna'r darparwyr rydych chi am eu cymharu o'r rhestrau ar y dde.

I gael y profiad gorau, ehangwch i sgrin lawn (cliciwch ar y botwm yn y gornel dde ar y gwaelod).

Mwy o wybodaeth

Mae'r data sylfaenol ar gael mewn format CSV. Rydym hefyd yn cynnwys data tueddiadau cyffredinol ar gyfer cwynion symudol talu-wrth-ddefnyddio.

Gallwch hefyd ddarllen cefndir a methodoleg.

Adroddiadau blaenorol

Noder bod y rhain ar gael yn Saesneg yn unig.

Mae adroddiadau hŷn ar gael yn yr Archifau Cenedlaethol.

Cynnwys cysylltiedig

Dewis y darparwr band eang, symudol a llinell dir gorau

Gweler sut mae prif ddarparwyr ffôn symudol, band eang a llinell dir y DU wedi perfformio o ran ansawdd gwasanaeth cwsmeriaid.

Dewiswch y band eang cywir ar gyfer eich anghenion

Gallai fod modd i chi gael band eang sy’n gyflymach ac yn rhatach na’ch cytundeb presennol. Bydd y canllaw hwn yn eich helpu i ddarganfod a oes gennych y pecyn gorau ar gyfer eich anghenion.

Ydych chi allan o gontract neu beidio?

Cadarnhewch a ydych chi chi allan o gontract neu beidio.

Eich barn ar y dudalen hon

Oedd y dudalen hon yn ddefnyddiol?