Mae Ofcom wedi cynhyrchu gweithdrefnau penodol sy’n berthnasol i ymchwiliadau i achosion posibl o dorri categorïau penodol o ofynion rheoleiddiol nad ydynt yn dod o dan y gweithdrefnau isod.
Categori gofyniad rheoleiddiol | Gweithdrefn benodol |
Amcanion safonau cynnwys a nodir o dan adran 319 o Ddeddf 2003 ac sydd yng Nghod Darlledu Ofcom a chodau eraill. | Gweithdrefnau ar gyfer ymchwilio i dorri safonau cynnwys ar gyfer teledu a radio. |
Gofynion tegwch a/neu breifatrwydd a nodir o dan Ran 5 o Ddeddf 1996 ac sydd yng Nghod Darlledu Ofcom. | Gweithdrefnau ar gyfer ystyried a dyfarnu ynghylch cwynion Tegwch a Phreifatrwydd. |
Amodau trwydded a chodau perthnasol i sicrhau cystadleuaeth deg ac effeithiol wrth ddarparu gwasanaethau darlledu. | Gweithdrefnau ar gyfer ymchwilio i achosion o dorri amodau sy’n ymwneud â chystadleuaeth mewn trwyddedau Deddf Darlledu; Cyngor i’r rheini sy’n cwyno: cyflwyno cwyn i Ofcom. |
Y gweithdrefnau cyffredinol a nodir yn y ddogfen hon ydy’r rheini y bydd Ofcom fel rheol yn eu dilyn er mwyn ymchwilio i weld a dorrwyd “gofyniad perthnasol” (fel y nodir ym mharagraff 1.13 isod), cyn bod modd cymryd unrhyw gamau dan y Gweithdrefnau ar gyfer ystyried sancsiynau statudol mewn achosion o dorri amodau trwyddedau darlledu (“y gweithdrefnau sancsiynau”).
Caiff Ofcom lansio ymchwiliadau ei hun yn ogystal ag ymchwilio i gwynion sydd wedi cael eu gwneud gan bobl eraill. Mae’r Gweithdrefnau Cyffredinol mewn ymchwiliad sy’n cael ei arwain gan gŵyn ac ymchwiliad sydd wedi’i gychwyn gan Ofcom yr un fath.
Mae’r Gweithdrefnau Cyffredinol a nodir yn y ddogfen hon yn dod i rym ar 3 Ebrill 2017. Gall y rhain gael eu hadolygu a'u newid ar unrhyw adeg.
Gweithdrefnau cyffredinol ar gyfer ymchwilio i achosion o dorri amodau trwyddedau darlledu
(PDF, 343.6 KB)
