Sut mae hybu Llythrennedd yn y Cyfryngau: Ymgynghoriad ar argymhellion ar gyfer darlledwyr, gwasanaethau a llwyfannau ar-lein

Mae Ofcom heddiw yn ymgynghori ar set o argymhellion a gynlluniwyd i helpu ystod eang o wasanaethau i gymryd camau gweithredol i rymuso'r cyhoedd drwy ddarparu’r sgiliau a'r wybodaeth sydd eu hangen arnynt i ymgysylltu'n feirniadol ac yn ddiogel â'r cynnwys maen nhw'n ei weld. Rydym heddiw yn ceisio barn ar ein hargymhellion drafft sy'n nodi gweledigaeth glir, uchelgeisiol ac unedig ar gyfer sut y gall gwasanaethau helpu pobl i lywio a ffynnu mewn tirwedd ddigidol sy'n esblygu'n gyflym.

Mae pedwar nod wrth wraidd ein hargymhellion:

• Mae gwasanaethau wedi'u cynllunio i roi dewis ystyrlon i bobl o ran sut maen nhw'n ymgysylltu â chynnwys. Mae hynny'n golygu gwneud dewisiadau dylunio a pholisi cynhwysol o'r cychwyn cyntaf.
• Mae pobl yn cael eu grymuso i siapio a rheoli eu profiad eu hunain. Dylai gwasanaethau roi offer ymarfer i bobl i reoli a phersonoli eu profiadau ar-lein. Rydym am eu gweld yn cefnogi rhieni a gofalwyr i arwain defnyddwyr iau mewn ffordd sy'n briodol i'w hoedran ac yn ymgysylltu â thrydydd partïon i ymestyn cyrhaeddiad eu mentrau llythrennedd yn y cyfryngau.
• Mae pobl yn cael eu cefnogi i ddatblygu sgiliau ymgysylltu beirniadol, gan adeiladu ymddiriedaeth a hyder. Dylai gwasanaethau helpu pobl i ddeall, dehongli ac asesu’n feirniadol hygrededd cynnwys y maent yn dod ar eu traws, gan gynnwys trwy hyrwyddo rhaglenni perthnasol neu gynnwys addysgol. Rydym yn disgwyl i lwyfannau fuddsoddi mewn ymgyrchoedd, cynnwys a phartneriaethau llythrennedd yn y cyfryngau, gan gynnwys y rhai sy'n targedu cynulleidfaoedd amrywiol a heb eu gwasanaethu.
• Gwelliant parhaus yn y meysydd hyn trwy werthuso parhaus. Dylai gwasanaethau gynnal a chyhoeddi gwerthusiadau o effeithiau eu dewisiadau a'u mentrau dylunio.

Rydym yn cydnabod bod gwasanaethau yn amrywio o ran maint a chyrhaeddiad, ac mae ein hargymhellion arfaethedig wedi'u cynllunio gyda chymesuredd mewn golwg. Er nad yw'r rhain yn set o reolau gorfodol, mae ein hargymhellion yn cynrychioli'r hyn yr ydym yn ei ystyried yn 'arfer da' i helpu i lunio ymagwedd gwasanaethau o hyrwyddo llythrennedd yn y cyfryngau. 

Ymateb i'r ymgynghoriad hwn

Cyflwynwch ymatebion gan ddefnyddio'r ffurflen ymateb i'r ymgynghoriad erbyn 5pm ar 8 Rhagfyr 2025.