Ar agor
Y dyletswyddau o dan Ddeddf Diogelwch Ar-lein 2023 i amddiffyn plant rhag dod ar draws cynnwys pornograffig drwy ddefnyddio sicrwydd oedran effeithiol iawn.
First Time Videos LLC (mewn perthynas â gwefannau FTVGirls.com ac FTVMilfs.com)
10 Mehefin 2025
Mae Ofcom wedi agor rhaglen orfodi ar fesurau sicrwydd oedran ar draws y sector oedolion ym mis Ionawr 2025, gan ganolbwyntio i ddechrau ar gydymffurfiad darparwyr sy’n cael eu rheoleiddio â dyletswyddau Rhan 5.
Rydym nawr yn ymchwilio i weld a yw First Time Videos LLC wedi methu/yn methu â chydymffurfio â’i ddyletswyddau o dan Ddeddf Diogelwch Ar-lein 2023 i ddiogelu plant rhag dod ar draws cynnwys pornograffig drwy ddefnyddio dulliau sicrwydd oedran effeithiol iawn.
Darpariaeth Gyfreithiol Berthnasol: Adran 81 o Ddeddf Diogelwch Ar-lein 2023.
Ym mis Ionawr 2025, penderfynodd Ofcom agor rhaglen orfodi o dan y Ddeddf Diogelwch Ar-lein. Mae’r rhaglen yn canolbwyntio ar y dyletswyddau ar wasanaethau rhan 5 i weithredu sicrwydd oedran effeithiol iawn i atal plant rhag cael mynediad at bornograffi.
Heddiw rydym wedi agor ymchwiliad i First Time Videos LLC, (mewn perthynas â gwefannau’r stiwdio, FTVGirls.com ac FTVMilfs.com). Nid yw’n ymddangos bod y gwasanaeth wedi cymryd camau i weithredu trefniadau sicrwydd oedran effeithiol iawn ar eu gwasanaethau, fel sy’n ofynnol o dan adran 81 o’r Ddeddf Diogelwch Ar-lein.
Bydd ymchwiliad Ofcom yn archwilio a oes sail resymol dros gredu bod y cwmni wedi methu, neu yn methu, â chydymffurfio â’i ddyletswyddau o dan adran 81 yn Rhan 5 o Ddeddf Diogelwch Ar-lein 2023 (y ‘Ddeddf’) i ddiogelu plant rhag dod ar draws cynnwys pornograffig drwy ddefnyddio dulliau sicrwydd oedran effeithiol iawn.
Byddwn yn darparu’r wybodaeth ddiweddaraf am yr ymchwiliad hwn maes o law. Mae Canllawiau Gorfodi Diogelwch Ar-lein Ofcom yn amlinellu ein dull arferol o orfodi o dan y Ddeddf. Mae hyn yn cynnwys ein dull o gasglu a dadansoddi gwybodaeth a’r camau gweithdrefnol y mae’n rhaid i ni eu cymryd i benderfynu’n deg ar ganlyniad yr ymchwiliad.