Mynediad Ofcom at wasanaethau a reoleiddir o dan y Ddeddf Diogelwch Ar-lein

Cenhadaeth Ofcom yw gwneud bywyd mwy diogel ar-lein yn y DU, yn enwedig i blant. Ein rôl yw sicrhau bod gan wasanaethau defnyddiwr-i-ddefnyddiwr, gwasanaethau chwilio a gwasanaethau eraill a reoleiddir o dan Ddeddf Diogelwch Ar-lein 2023 ('Gwasanaethau OS') y systemau a'r prosesau priodol ar waith i amddiffyn pobl rhag niwed.

Er mwyn cefnogi hyn, gall Ofcom gael mynediad at Wasanaethau OS perthnasol o bryd i'w gilydd.

Yn dibynnu ar y cyd-destun, mae ein rhesymau dros gael mynediad at Wasanaethau OS yn debygol o gynnwys y canlynol:

1. i'n helpu i ddeall a monitro'r mesurau sydd gan Wasanaethau'r OS ar waith, a'r ffordd y maent yn gweithio i sicrhau bod defnyddwyr yn cael eu diogelu'n briodol rhag deunydd niweidiol fel sy'n ofynnol o dan y Ddeddf Diogelwch Ar-lein;
2. i'n helpu i ddeall natur a math o niwed sy'n codi ar Wasanaethau'r OS;
3. i gyfrannu at ein gwaith datblygu polisi, gan dynnu sylw at ddulliau arfer gorau ac archwilio sut mae Gwasanaethau OS yn amddiffyn defnyddwyr rhag cynnwys sy'n cynnwys deunydd niweidiol; a
4. i'n galluogi i wirio a deall ymatebion Gwasanaethau OS i geisiadau ffurfiol am wybodaeth yn well.

Mewn rhai achosion, gall cyrchu Gwasanaethau OS unigol fod yn ffordd fwy cymesur i ni gasglu gwybodaeth, lle mae gwybodaeth ar gael ar y gwasanaeth, yn hytrach na chyhoeddi ceisiadau ffurfiol am wybodaeth. Er enghraifft, efallai yr hoffem gael mynediad at bolisïau gwasanaeth cyfredol ac archwilio teithiau defnyddwyr a swyddogaethau offer defnyddiwr.

Lle bo angen cael mynediad at swyddogaethau neu gynnwys perthnasol, bydd Ofcom yn sefydlu cyfrifon unigol gan ddefnyddio cyfeiriad e-bost Ofcom, ac eithrio  lle nad yw’n briodol gwneud hynny, er enghraifft lle gallai cael ei adnabod fel Ofcom newid profiad y defnyddiwr, gwelededd cynnwys neu weithrediad nodweddion y gwasanaeth mewn ffordd a allai gyflwyno rhagfarn na fyddai defnyddwyr cyffredin yn dod ar ei thraws. Mewn amgylchiadau o’r fath, gall Ofcom ddefnyddio personâu ffug er mwyn arsylwi ac asesu’r gwasanaeth fel y’i profir gan aelodau’r cyhoedd.
Bydd Ofcom yn cadw at Delerau’r Gwasanaeth, oni bai y cytunwyd fel arall gyda darparwr y Gwasanaeth ac eithrio pan nad yw hynny’n ymarferol neu’n briodol am y rhesymau a nodir uchod. Gweler hefyd Ddatganiad Preifatrwydd Cyffredinol Ofcom.