Mae Ofcom yn ymgynghori ar God newydd sy'n nodi gofynion hygyrchedd ar gyfer y gwasanaethau ffrydio a ddefnyddir fwyaf.
Cyflwynodd Deddf y Cyfryngau 2024 ofynion newydd ar gyfer y gwasanaethau ar-alw mwyaf (y cyfeirir atynt fel 'Gwasanaethau Haen 1') i fod yn hygyrch i bobl anabl. Mae'r rhain yn cynnwys cwotâu ar gyfer nodweddion fel isdeitlau, sain-ddisgrifiad ac arwyddo (gyda'i gilydd 'gwasanaethau mynediad') a gofynion ar gyfer cadw cynulleidfaoedd yn wybodus am y nodweddion hyn ac adrodd ar eu hansawdd a'u defnydd.
Rhaid i Ofcom gyhoeddi Cod – y 'Cod Hygyrchedd Haen 1' – sy'n nodi'r gofynion ac yn rhoi canllawiau ar y pwyntiau hyn.
Yn yr ymgynghoriad hwn, rydym yn nodi ein cynigion ar gyfer y Cod Hygyrchedd Haen 1.
Sut i ymateb
Cyflwynwch ymatebion i'r ymgynghoriad hwn gan ddefnyddio'r ffurflen ymateb i'r ymgynghoriad erbyn 5pm ar 7 Awst 2026 fan bellaf. Dylech gyflwyno ymatebion drwy anfon e-bost at Tier1accessibility@ofcom.org.uk.
Rydym yn croesawu ymatebion mewn fformatau heblaw print, er enghraifft recordiad sain neu fideo Iaith Arwyddion Prydain (BSL). I ymateb yn trwy arwyddo:
- anfonwch recordiad atom ohonoch chi'n arwyddo’ch ymateb. Ni ddylai hyn fod yn fwy na 5 munud. Fformatau ffeil addas yw DVDs, wmv neu ffeiliau QuickTime; neu
- uwchlwythwch fideo ohonoch chi'n arwyddo eich ymateb yn uniongyrchol i YouTube (neu safle cynnal arall) ac anfonwch y ddolen atom.