Mae Ofcom yn ymgynghori ar God Deunydd Ar-lein newydd y BBC a'r Gweithdrefnau cysylltiedig.
Yn dilyn Adolygiad Canol Tymor yr Adran dros Ddiwylliant, y Cyfryngau a Chwaraeon (DCMS) o Siarter y BBC yn 2024 a'r diweddariadau o ganlyniad i Gytundeb Fframwaith y BBC ym mis Rhagfyr 2025, mae Ofcom yn ymgynghori ar God Deunydd Ar-lein newydd y BBC a'r Gweithdrefnau cysylltiedig a fydd yn berthnasol i ddeunydd ar-lein ar wasanaethau cyhoeddus y BBC yn y DU.
Bydd y Cod Deunydd Ar-lein newydd arfaethedig y BBC yn berthnasol i gynnwys a ddarperir fel rhan o Wasanaethau Cyhoeddus y DU gan y BBC ar-lein ac a fwriadwyd ar gyfer defnyddwyr yn y DU. Mae hyn yn cynnwys cynnwys sydd wedi'i gynnwys ar wefannau newyddion a chwaraeon y BBC, apiau'r BBC ar ffonau clyfar, teledu neu ddyfeisiau eraill, unrhyw gyfrif cyfryngau cymdeithasol y BBC (gan gynnwys ail-bostiadau gan gyfrif cyfryngau cymdeithasol y BBC, gan gynnwys cyfrif unrhyw unigolyn sy'n gweithio i'r BBC) ac adnoddau addysgol a dysgu'r BBC. Mae "cynnwys" yn cynnwys testun ysgrifenedig a delweddau llonydd neu symudol, gyda sain neu heb sain, a chynnwys sy'n cynnwys sain yn unig.
Ymateb i'r Alwad hon am Dystiolaeth
Cyflwynwch ymatebion i'r ymgynghoriad hwn gan ddefnyddio'r ffurflen ymateb i'r ymgynghoriad erbyn 5pm ar 27 Awst 2026 fan bellaf.