Rydym wedi cyhoeddi'r ffigurau diweddaraf ar gyfer cwynion a gawsom am brif ddarparwyr band eang, ffonau symudol, llinell dir a theledu talu’r DU.
Mae'r ffigurau’n cwmpasu ail chwarter 2025, o fis Ebrill i fis Mehefin.
Prif ganfyddiadau
- Gostyngodd nifer y cwynion cyffredinol o'i gymharu â'r chwarter blaenorol.
- Gostyngodd nifer y cwynion am fand eang sefydlog, llinell dir, a theledu-trwy-dalu tra bod cwynion am ffôn symudol talu misol yn aros yr un fath.
- EE oedd y darparwr derbyniodd y mwyaf o gŵynion ar draws gwasanaethau band eang, llinell dir a theledu trwy dalu. Dyma'r tro cyntaf ers diwedd 2023 i un darparwr fod y perfformiwr gwaethaf ar draws tri gwasanaeth gwahanol. Fodd bynnag, ym mhob achos, gostyngodd niferoedd cwynion EE neu arhosodd yr un fath ag yn ystod y chwarter blaenorol.
- Plusnet oedd y darparwr band eang sefydlog a gafodd y lleiaf o gŵynion.
- Utility Warehouse cynhyrchodd y lleiaf o gŵynion llinell dir - y chweched chwarter yn olynol y mae wedi cyflawni hyn.
- TalkTalk oedd y darparwr teledu trwy dalu a gafodd y lleiaf o gŵynion.
Wrth edrych ar y rhesymau dros y cwynion, diffygion, ansawdd y gwasanaeth a chysylltiad oedd y prif resymau dros gŵynion cwsmeriaid band eang a llinell dir.
Mae nifer y cwynion ar gyfer darparwyr symudol yn rhy agos at ei gilydd i wahaniaethu’n ystyrlon rhwng y perfformiad gwaethaf a'r gorau’r chwarter hwn. Mae hyn oherwydd bod cyfeintiau cwynion y darparwr symudol derbyniodd y mwyaf o gŵynion yn y chwarteri blaenorol wedi lleihau, gan gau'r bwlch gyda darparwyr eraill.
Wrth sôn am y ffigurau, dywedodd Cyfarwyddwr Defnyddwyr a Marchnadoedd Manwerthu Ofcom , Cristina Luna-Esteban: "Rydym yn falch o weld y gostyngiadau parhaus yn y cwynion yr ydym wedi'u derbyn. Mewn gwirionedd, mae cwynion ar draws pob gwasanaeth ar y lefelau isaf neu ar y cyd isaf a welsom erioed.
"Mae hwn yn gyhoeddiad sylweddol, ac rydym yn gobeithio y bydd y momentwm cadarnhaol hwn yn parhau, er budd cwsmeriaid heddiw ac yn y dyfodol."
Pam rydyn ni'n cyhoeddi'r ffigurau hyn
Fel rheoleiddiwr cyfathrebu'r DU, rydym yn casglu'r cwynion hyn i'n helpu i ddeall yn well y rhesymau dros anfodlonrwydd ymhlith cwsmeriaid yn y sectorau rydyn ni'n eu rheoleiddio.
Er na allwn ddelio â chwynion unigol, mae'r ffigurau hyn yn rhoi mewnwelediad i broblemau a phryderon sy'n effeithio ar y cwsmeriaid sy'n defnyddio'r gwasanaethau hyn – a thrwy gyhoeddi'r ffigurau hyn gallwn helpu cwsmeriaid telathrebu i ddewis y darparwr cywir ar gyfer eu hanghenion.
Gweler y siartiau isod am fwy o fanylion.
Band eang sefydlog
Llinell dir
Symudol talu'n fisol
Teledu-drwy-dalu
