Rhaglen cywain ymchwil a data Ofcom
Mae Ofcom yn rheoleiddiwr sy'n seilio ei waith ar dystiolaeth, felly mae ymchwil i'r farchnad yn bwysig i ni. Caiff llawer o'n penderfyniadau eu llywio gan dystiolaeth o ymchwil, ac mae ein hymchwil i'r farchnad yn sicrhau bod gennym ddealltwriaeth drylwyr, gadarn a diweddar o ddefnyddwyr yn y DU.
Ymchwil y farchnad
Rydym yn gweithio gydag asiantaethau ymchwil y farchnad annibynnol i gynnal ymchwil ymhlith defnyddwyr yr holl wasanaethau cyfathrebu, a chyda chyflenwyr arbenigol mewn meysydd megis cywain data ar y cyflymder band eang llinell sefydlog a symudol y bydd defnyddwyr yn eu derbyn mewn gwirionedd.
Ein harolygon tracio parhaus
Mae gennym nifer o arolygon tracio rheolaidd a chylchol a gynhelir unwaith y flwyddyn neu'n amlach, i roi data cyfres amser i ni am ymddygiad ac agweddau defnyddwyr mewn perthynas â dyfeisiau a gwasanaethau cyfathrebu. Mae'r arolygon tracio yn bwydo i mewn i amrywiaeth eang o gyhoeddiadau a phrosiectau Ofcom, a gellir gweld yr holl ddatganiadau data yn y calendr datganiadau ystadegol, ac ym mhorth data agored Ofcom.
Our Adults’ Media Literacy Tracker provides detailed evidence on media use, attitudes and understanding among UK adults. In 2020, due to Covid-19 restrictions, our fieldwork was mainly conducted online, instead of face-to-face.
This document confirms longer-term changes to the methodology and frequency of our tracker to reflect changes in the media landscape and user behaviour.
Yn ystod 2020, gohiriodd Ofcom arolwg dracio Darlledu Gwasanaeth Cyhoeddus (PSB) am y flwyddyn. Dywedom ar y pryd i ni fwriadu ail-ddylunio ac ail-gomisiynu arolwg tracio cynulleidfaoedd newydd yn 2021 ac yn ei le ar gyfer 2020, byddem yn defnyddio'r ystod eang o ymchwil feintiol ac ansoddol ad-hoc sy'n archwilio perthynas pobl â PSB, fel rhan o'n hadolygiad o ddarlledu gwasanaeth cyhoeddus, Sgrin Fach: Trafodaeth Fawr.
Mae'r ddogfen hon yn disgrifio ein cynlluniau ar gyfer y teclyn tracio newydd sy'n dechrau yng ngwanwyn 2021. Mae'n rhoi manylion newidiadau i ddyluniad yr arolwg sydd wedi'u datblygu drwy ein gwersi yn sgil ein hymchwil adolygu PSB – y mae wedi cynnig mewnwelediad manwl i ni i berthynas cynulleidfaoedd â PSB, gan gynnwys eu defnydd o gynnwys PSB a'i berthnasedd iddynt, rôl a gwerth PSB yn eu bywydau a'r hyn a ystyriant y bydd yn werthfawr yn y dyfodol.
Rydym yn gwahodd sylwadau ar y cynigion hyn. Cyflwynwch unrhyw sylwadau i market.research@ofcom.org.uk erbyn 12 hanner dydd, 27 Ionawr 2021.
Mae ein teclyn Tracio Llythrennedd Cyfryngau Plant yn darparu tystiolaeth fanwl ar ddefnydd o'r cyfryngau ymhlith plant a phobl ifanc 3-15 oed a'u hagweddau atynt.
Eleni, oherwydd y cyfyngiadau Covid-19, mae ein gwaith maes wedi'i gynnal ar-lein, yn hytrach na wyneb yn wyneb.
Mae'r ddogfen hon yn cadarnhau newidiadau tymor hwy i fethodoleg ac amlder ein teclyn tracio, i adlewyrchu newidiadau yn ngwedd y cyfryngau ac ymddygiad defnyddwyr.
Children's Media Literacy Tracker – confirmation of changes (PDF, 360.7 KB)
Oherwydd y pandemig Covid-19 parhaus a'r canllawiau cysylltiedig, mae Ofcom wedi atal gwaith maes wyneb yn wyneb ar draws yr holl brosiectau ymchwil defnyddwyr er mwyn diogelu diogelwch pawb sy'n gysylltiedig. Mae'r penderfyniad hwn yn effeithio ar y teclyn Tracio Technoleg Ofcom, sef arolwg wyneb yn wyneb fel arfer.
Ym mis Tachwedd cyhoeddwyd hysbysiad o newidiadau sy'n nodi'r fethodoleg amgen arfaethedig y byddwn yn ei defnyddio i gwblhau gwaith maes yn 2021, a'r effaith a gaiff hyn ar set ddata 2021. Yn sgil ymgynghori, mae'r newidiadau hyn wedi'u cadarnhau.
Technology Tracker – confirmation of changes (PDF, 183.2 KB)
Ymchwil ar gyfer ein cyhoeddiadau blynyddol rheolaidd
Mae ein cyhoeddiadau blynyddol megis Adroddiad y Farchnad Gyfathrebu, adroddiad Ein Gwlad Ar-lein, adroddiad Cymharu Ansawdd Gwasanaeth, adroddiad Cysylltu'r Gwledydd, adroddiad Cyfryngau'r Genedl a'n hadroddiadau llythrennedd y cyfryngau, yn defnyddio data a gasglwyd o'n harolygon tracio, yn ogystal â data a gasglwn yn uniongyrchol gan ddarlledwyr a gweithredwyr telathrebu fel rhan o'n dyletswyddau rheoleiddio, ynghyd â data trydydd parti a brynwn gan ddarparwyr arbenigol.
Ymchwil ad-hoc gyda defnyddwyr
Rydym hefyd yn comisiynu darnau penodol o ymchwil wrth ymateb i bynciau newydd sy'n codi yn y marchnadoedd a reoleiddiwn, ac mewn perthynas â phryderon newidiol neu ddatblygol defnyddwyr. Ymysg enghreifftiau diweddar (2019) mae ymchwil i niwed ar-lein a gwefru ffonau symudol.
Cywain data
Mae ein tîm gwybodaeth y farchnad yn cywain ac yn dadansoddi gwybodaeth o'r diwydiant; yn uniongyrchol, drwy ddefnyddio ein pŵer i wneud ceisiadau ffurfiol; ac yn anuniongyrchol, drwy ddefnyddio ffynonellau gwybodaeth trydydd parti. Mae'n monitro ac yn dehongli datblygiadau yn y farchnad a thueddiadau'r diwydiant, ar draws y sectorau cyfryngau a thelathrebu a diwydiannau perthnasol eraill, ar lefelau cwmnïau, sectorau, y DU a thramor. Rydym yn cyhoeddi diweddariadau data telathrebu chwarterol ac ystadegau cwynion telathrebu a theledu drwy dalu, a data cyflymder band eang.
Ble gallaf ddod o hyd i gyhoeddiadau ymchwil a data Ofcom?
Rydym yn cyhoeddi ein hymchwil, fel y gall pawb, gan gynnwys rhanddeiliaid y diwydiant a defnyddwyr, elwa ohono. Gallwch chwilio ein cyhoeddiadau ymchwil ar ein gwefan. Rydym hefyd yn cyhoeddi cymaint â phosibl o'n data crai fel data agored, mewn fformatau .csv ac agored tebyg. Mae tudalen 'Ffeithiau Cyflym', y gellir cyfeirio ati'n gyflym, hefyd.