Os bydd eich cwmni band eang neu linell dir yn mynd allan o fusnes a bydd cwmni arall yn cymryd drosodd, gallwch barhau i ddefnyddio'r gwasanaethau rydych chi wedi arfer â nhw. Yn y rhan fwyaf o achosion, dylai hyn ddigwydd heb darfu ar eich gwasanaeth.
Yn y rhan fwyaf o achosion, dylai eich contract presennol drosglwyddo i'r darparwr newydd. Fodd bynnag, os bydd eich darparwr newydd yn newid telerau eich contract, dylech gael yr hawl i adael eich contract heb dalu ffi terfynu cynnar.
Os ydych chi'n anhapus â'r darparwr newydd, efallai y byddwch chi'n gallu newid. Cyn newid, gwiriwch a ydych chi y tu mewn neu du allan o gontract. Gallai newid cyn diwedd cyfnod y contract olygu talu taliadau terfynu cynnar.
Cymerwch olwg ar ein canllawiau os ydych chi'n edrych i newid:
Gall gwefannau cymharu prisiau hefyd eich helpu i gymharu bargeinion a deall eich opsiynau.
Os bydd eich darparwr band eang neu linell dir yn mynd allan o fusnes ac nad yw'n cael ei gymryd drosodd gan gwmni arall
Yn y sefyllfa hon, bydd eich gwasanaeth yn dod i ben ar ddyddiad penodol – dylai eich darparwr ddweud wrthych pryd y bydd hyn. Bydd angen i chi gofrestru gyda darparwr newydd er mwyn parhau i ddefnyddio'ch gwasanaeth ac ni ddylech orfod talu ffioedd terfynu cynnar wrth wneud hynny. Efallai na fydd yn bosibl i chi gadw'ch rhif ffôn presennol.
Dylai eich darparwr presennol hefyd eich hysbysu am ddyfodol y cwmni. Os oes gennych unrhyw gwestiynau, gallwch hefyd gysylltu â nhw'n uniongyrchol.
Gall gwefannau cymharu prisiau eich helpu i gymharu bargeinion a deall eich opsiynau.
Cymorth i gwsmeriaid agored i niwed
Dylai darparwyr gynnig gofal cwsmeriaid da, yn enwedig i bobl mewn amgylchiadau bregus. Os ydych chi neu rywun yn eich cartref yn agored i niwed, dylech ddweud wrth eich darparwr gan y gallent gynnig cymorth ychwanegol.
Cynnwys cysylltiedig