Rhaglen Gorfodi i amddiffyn plant rhag dod ar draws cynnwys pornograffig trwy ddefnyddio sicrwydd oedran

Ymchwiliadau pellach wedi'u hagor

Ar 12 Mai 2026, agorwyd ymchwiliadau i ddarparwyr pimpbunny.com a kemono.cr.

Mae'r darparwyr hyn wedi’u blaenoriaethu yn seiliedig ar y risg o niwed a achosir gan y gwasanaethau maent yn eu gweithredu a nifer eu defnyddwyr, gan gynnwys lle bu cynnydd yn nifer eu defnyddwyr ers y dyddiad cau 25 Gorffennaf 2025 i weithredu sicrwydd oedran hynod effeithiol.

Rydym yn ymchwilio i weld a yw pob un o'r darparwyr hyn wedi methu, neu'n methu â, chydymffurfio â'r dyletswyddau o dan adran 12 o'r Ddeddf Diogelwch Ar-lein ('y Ddeddf') i atal plant rhag dod ar draws cynnwys pornograffig trwy ddefnyddio sicrwydd oedran hynod effeithiol, mewn perthynas â phob gwasanaeth rheoleiddiediig y maent yn ei weithredu.

Gellir dod o hyd i’r bwletin ar gyfer pob ymchwiliad isod:

• darparwr pimpbunny.com
• darparwr kemono.cr

Byddwn yn darparu’r wybodaeth ddiweddaraf am yr ymchwiliadau hyn maes o law.

Diweddariad ar ymchwiliadau presennol

Darparwr Fapello.com – Penderfyniad Dros Dro

Ar 12 Mai 2026, cyhoeddwyd hysbysiad dros dro o dramgwydd i ddarparwr gwasanaeth i oedolion fapello.com, mewn perthynas â'n hymchwiliad i'w gydymffurfiaeth ag adran 12 o'r Ddeddf.

Mae'r hysbysiad hwn yn nodi ein barn dros dro bod gennym sail resymol i gredu bod darparwr fapello.com wedi methu â chydymffurfio â'i ddyletswydd i ddefnyddio sicrwydd oedran hynod effeithiol i sicrhau bod plant yn cael eu hatal rhag dod ar draws cynnwys pornograffig.

Rydym hefyd wedi canfod dros dro bod darparwr fapello.com wedi methu, ac yn methu, â chydymffurfio â'i ddyletswydd o dan adran 102(8) o'r Ddeddf i ymateb i gais am wybodaeth.

Gellir dod o hyd i'r dudalen bwletin ymchwilio yma.

Darparwr Xgroovy.com – ehangu cwmpas

Ar 19 Tachwedd 2025, ehangodd Ofcom gwmpas ein hymchwiliad i ddarparwr www.xgroovy.com ('Xgroovy'), i gynnwys yr ystyriaeth a oedd Xgroovy wedi methu â chydymffurfio â gofynion hysbysiad gwybodaeth a gyhoeddwyd ar 23 Medi 2025.

Yn dilyn gohebiaeth â Xgroovy, ar y pryd, ni wnaeth Ofcom fwrw ymlaen gyda'r cwmpas estynedig.

Ar 30 Mawrth 2026, ailgyhoeddodd Ofcom yr hysbysiad gwybodaeth ffurfiol i Xgroovy, o dan adran 100 o'r Ddeddf, gan ddefnyddio'r manylion cyswllt wedi'u diweddaru a ddarparwyd gan Xgroovy. Roedd yn ofynnol i Xgroovy ymateb i'r hysbysiad hwnnw erbyn y dyddiad cau a nodwyd yn yr hysbysiad, ond ni wnaeth hynny. Fel ar adeg y cyhoeddiad hwn, nid yw Xgroovy wedi darparu ymateb.

Felly, mae Ofcom wedi ehangu cwmpas yr ymchwiliad hwn i gynnwys ystyried a yw Xgroovy wedi methu, neu'n methu â chydymffurfio â gofynion hysbysiad gwybodaeth a ailgyhoeddwyd ar 30 Mawrth 2026 o dan y Ddeddf. Gellir dod o hyd i'r bwletin ar gyfer yr ymchwiliad hwn yma.

Diweddariad ar ymchwiliad presennol – hysbysiad dros dro o dorri’r gorchymyn

First Time Videos LLC

Ar 30 Mawrth 2026, gwnaethom gyhoeddi hysbysiad dros dro o dorri’r gorchymyn i First Time Videos LLC ('First Time Videos'), fel darparwr ftvgirls.com a ftvmilfs.com, mewn perthynas â'n hymchwiliad i'w gydymffurfiaeth ag adran 81 o Ddeddf Diogelwch Ar-lein 2023 ('y Ddeddf').

Mae'r hysbysiad hwn yn nodi ein barn dros dro bod gennym sail resymol i gredu bod First Time Videos wedi methu â chydymffurfio â'i ddyletswydd i ddefnyddio sicrwydd oedran hynod effeithiol i sicrhau nad yw plant fel arfer yn dod ar draws cynnwys pornograffig, fel sy'n ofynnol gan adran 81 o'r Ddeddf.

Gellir dod o hyd i fanylion llawn yr ymchwiliad yma.

Diweddariad ar ymchwiliadau presennol – Penderfyniadau Cadarnhau nad ydynt yn gyfrinachol

8579 LLC a Kick Online Entertainment S.A.

Heddiw rydym wedi cyhoeddi fersiwn nad yw'n gyfrinachol o:

• Y Penderfyniad Cadarnhau a gyhoeddwyd gennym i 8579 LLC ar 20 Chwefror 2026 o dan y Ddeddf.
• Y Penderfyniad Cadarnhau a gyhoeddwyd gennym i Kick Online Entertainment SA ar 11 Chwefror 2026 o dan y Ddeddf.

Mae'r Penderfyniadau yn ymwneud â'n hymchwiliadau i gydymffurfiaeth y ddau ddarparwr ag Adran 12 o'r Ddeddf i atal plant rhag dod ar draws cynnwys pornograffig ar eu gwasanaethau drwy ddefnyddio sicrwydd oedran hynod effeithiol, ac Adran 102(8) o'r Ddeddf, i ymateb i gais am wybodaeth.

Gellir dod o hyd i fanylion llawn ymchwiliad 8579 LLC yma a gellir dod o hyd i fanylion llawn ymchwiliad Kick Online Entertainment SA yma.

Diweddariad ar ymchwiliadau presennol – ehangu cwmpas

Web Prime Inc

Ar 18 Chwefror 2026, gwnaethom gyhoeddi hysbysiad gwybodaeth ffurfiol i Web Prime Inc, yr oedd yn ofynnol iddo ymateb iddo, o dan adran 102(8) o'r Ddeddf. Nid yw Web Prime Inc wedi ymateb o fewn yr amserlen a bennwyd yn yr hysbysiad ac, ar ddyddiad y cyhoeddiad hwn, nid yw wedi darparu ymateb.

Felly, rydym wedi ehangu cwmpas yr ymchwiliad i Web Prime Inc i gynnwys ystyried a yw wedi methu, neu'n methu â gweithredu, yn unol â gofynion hysbysiad gwybodaeth. Gellir dod o hyd i'r bwletin ar gyfer yr ymchwiliad hwn yma.

Diweddariad ar yr ymchwiliad presennol – cau'r achos

Duplanto Ltd

Ar 30 Mawrth 2026, gwnaethom gau ein hymchwiliad i Duplanto Ltd mewn perthynas â'r wefan i oedolion www.pornhaven.ai.

Gwnaethom agor ymchwiliad ar 30 Gorffennaf 2025 oherwydd pryderon nad oedd Duplanto Ltd wedi gweithredu mesurau sicrwydd oedran hynod effeithiol i atal plant rhag dod ar draws cynnwys pornograffig ar ei wasanaeth oedolion, erbyn y dyddiad cau ar 25 Gorffennaf 2025, fel sy'n ofynnol gan y Ddeddf.

Yn fuan ar ôl i'r dyletswyddau ddod i rym, cyfyngodd Duplanto Ltd ar fynediad i'w wasanaeth i bobl â chyfeiriadau IP y DU, gan leihau'r tebygolrwydd y bydd plant yn y DU yn agored i gynnwys pornograffig sy'n bresennol ar ei wasanaeth, sy'n golygu profiadau ar-lein mwy diogel iddynt. Ar ôl adolygu pob agwedd ar yr ymchwiliad, rydym o'r farn nad yw bellach yn flaenoriaeth weinyddol i gymryd camau gorfodi, yn unol â'n dull cyffredinol o orfodi, fel y nodir yn ein Canllawiau Gorfodi Diogelwch Ar-lein.

Rydym wedi cau ein hymchwiliad heb wneud unrhyw ganfyddiadau ynghylch cydymffurfiaeth Duplanto Ltd â'i ddyletswyddau. Mae Duplanto Ltd yn parhau i fod yn destun i rwymedigaethau o dan y Ddeddf a bydd Ofcom yn parhau i fonitro'r gwasanaeth. Efallai y byddwn yn ailedrych ar ein penderfyniad, os bydd pryderon newydd yn codi.

Diweddariad ar ymchwiliad presennol - 8579 LLC

Ar 20 Chwefror 2026, cyhoeddwyd  Penderfyniad Cadarnhau i 8579 LLC (darparwr crazyporn.xxx, love4porn.com, hoes.tube, a justpornflix.com), mewn perthynas â'n hymchwiliad i'w gydymffurfiaeth ag adran 12 o'r Ddeddf Diogelwch Ar-lein ('y Ddeddf'). Mae Adran 12 yn ei gwneud yn ofynnol i wasanaethau atal plant rhag dod ar draws cynnwys pornograffig trwy ddefnyddio sicrwydd oedran hynod effeithiol.

Yn wreiddiol roedd cwmpas ein hymchwiliad hefyd yn cynnwys y gwasanaethau 4kporn.xxx a 429.xxx. Fodd bynnag, yn dilyn newid posibl yn y darparwr cyn i Ofcom gyhoeddi ei Benderfyniad Dros Dro – o 8579 LLC i Reply Buzzer Ltd –  nid ydym wedi gwneud canfyddiadau mewn perthynas â’r safle  yn ein penderfyniad terfynol.

Rydym wedi canfod, o 25 Gorffennaf 2025, fod 8579 LLC wedi methu â chydymffurfio ag adran 12 o'r Ddeddf ac mae'r methiant hwn yn parhau mewn perthynas ag un o'r gwasanaethau y mae'n ei weithredu.

Mewn perthynas â'r tramgwydd, rydym yn gosod:

• cosb o £1,350,000 ar 8579 LLC;
• gofyniad i gydymffurfio ag adran 12 drwy gymryd camau i weithredu sicrwydd oedran hynod effeithiol ar justpornflix.com erbyn 5pm GMT ar 23 Chwefror 2026. Os bydd 8579 LLC yn methu â chydymffurfio â'r gofyniad hwn, bydd cosb ddyddiol o £1,000 y dydd yn cael ei gosod, gan ddechrau o 23 Chwefror 2026 nes bod y ddyletswydd adran 12 yn cael ei chydymffurfio, neu 3 Mehefin 2026, pa un bynnag sydd gyntaf.

Rydym hefyd wedi canfod bod 8579 LLC wedi methu â chydymffurfio â'i ddyletswydd o dan adran 102(8) o'r Ddeddf i ymateb i gais am wybodaeth ac rydym yn gosod:

• cosb o £50,000 ar 8579 LLC;
• gofyniad i gymryd camau ar unwaith i ddarparu rhestr gyflawn o'r holl safleoedd pornograffig y mae'n eu gweithredu. Os bydd 8579 LLC yn methu â chydymffurfio â'r gofyniad hwn, bydd cosb ddyddiol o £250 y dydd yn cael ei gosod, gan ddechrau o 21 Chwefror 2026 hyd nes y cydymffurfir â'r ddyletswydd adran 102(8), neu 22 Ebrill 2026, pa un bynnag sydd gyntaf.

Gosodwyd y cosbau hyn o ystyried ein Canllawiau Cosb.

Gellir dod o hyd i ragor o fanylion am ymchwiliad 8579 LLC yma.

Ymchwiliad newydd wedi'i agor – Reply Buzzer Ltd

Heddiw rydym wedi agor ymchwiliad i Reply Buzzer Ltd, mewn perthynas â'r gwasanaethau oedolion 4kporn.xxx, crazyporn.xxx, hoes.tube, a love4porn.com. Gweithredwyd y gwasanaethau hyn yn flaenorol gan 8579 LLC cyn i newid  darparwr gael ei gofnodi yn nhelerau’r gwasanaeth.

Ar 11 Chwefror 2026, nodwyd fod  y darparwr a enwir yn nhelerau’r gwasanaeth ar gyfer 4kporn.xxx, crazyporn.xxx, hoes.tube, a love4porn.com wedi newid. Mae'r safleoedd hyn bellach yn rhestru Reply Buzzer Ltd fel y darparwr. Nid yw 429.xxx, a oedd hynt hefyd yn cael ei weithredu gan 8579 LLC, yn  weithredol ar hyn o bryd.

Mae Ofcom yn pryderu efallai na fydd Reply Buzzer Ltd o bosibl wedi gweithredu mesurau sicrhau oedran hynod effeithiol i atal plant rhag dod ar draws cynnwys pornograffig ar ei wasanaethau, fel sy'n ofynnol o dan adran 12 o'r Ddeddf.

Bydd ymchwiliad Ofcom yn archwilio a oes sail resymol i gredu bod y cwmni hwn wedi methu, neu'n methu, i gydymffurfio â'i ddyletswyddau o dan adrannau 12 o'r Ddeddf, gan gynnwys ei rwymedigaeth i ddiogelu plant rhag dod ar draws cynnwys pornograffig trwy ddefnyddio sicrwydd oedran hynod effeithiol.

Gellir dod o hyd i'r bwletin ar gyfer yr ymchwiliad hwn yma.

Diweddariad ar ymchwiliadau presennol – Penderfyniadau Cadarnhau

Kick Online Entertainment S.A.

Ar 11 Chwefror 2026, gwnaethom gyhoeddi Penderfyniadau Cadarnhau i Kick Online Entertainment S.A. ('Kick Online') (darparwr motherless.com). 

Rydym yn cosbi’r darparwr am fethiannau i gydymffurfio ag:

• adran 12 o Ddeddf Diogelwch Ar-lein 2023 ('y Ddeddf'), sy'n ei gwneud yn ofynnol i wasanaethau sicrhau bod plant yn cael eu hatal rhag dod ar draws cynnwys pornograffig trwy ddefnyddio sicrwydd oedran hynod effeithiol; ac
• adran 102(8) o'r Ddeddf, drwy fethu ag ymateb i gais am wybodaeth.

Gosodwyd y dirwy gan ystyried ein Canllawiau Cosb.

Rydym wedi canfod, rhwng 25 Gorffennaf a 29 Rhagfyr 2025, nad oedd Kick Online wedi cydymffurfio ag adran 12 o'r Ddeddf. Mewn perthynas â'r tramgwydd hwnnw, rydym yn gosod:

• dirwy o £800,000 ar Kick Online mewn perthynas â thorri adran 12.

Ar ôl i Ofcom gyhoeddi Penderfyniad Dros Dro i Kick Online, gweithredodd ddull o sicrhau oedran sy'n gallu bod yn hynod effeithiol.

Rydym wedi canfod, rhwng 25 Gorffennaf a 29 Rhagfyr 2025, nad oedd Kick Online wedi cydymffurfio ag adran 12 o'r Ddeddf. Mewn perthynas â'r tramgwydd hwnnw, rydym yn gosod:

• dirwy o £30,000 ar Kick Online mewn perthynas â thorri adran 102(8); a
• gofyniad i gymryd camau ar unwaith i ddarparu rhestr gyflawn i Ofcom o'r holl safleoedd pornograffig y mae'n eu gweithredu. Os bydd Kick Online yn methu â chydymffurfio â'r gofyniad hwn, bydd dirwy ddyddiol o £200 y dydd yn cael ei gosod o 12 Chwefror 2026 hyd nes y cydymffurfir â dyletswydd adran 102(8), neu 13 Ebrill 2026, pa un bynnag sydd gynharaf.

Gellir dod o hyd i fanylion llawn yr ymchwiliad yma. 

Diweddariad ar yr ymchwiliad presennol – Penderfyniad Dros Dro

Youngtek Solutions Ltd

Ar 11 Chwefror 2026,  gwnaethom gyhoeddi Penderfyniad Dros Dro i Youngtek Solutions Ltd, fel darparwr imagefap.com, empflix.com, moviefap.com, pornrepublic.com a TNAflix.com, mewn perthynas â'n hymchwiliad i'w gydymffurfiaeth ag adran 12 o'r Ddeddf.

Mae'r hysbysiad hwn yn nodi ein barn dros dro bod gennym sail resymol i gredu bod Youngtek Solutions Ltd wedi methu â chydymffurfio â'i ddyletswydd i ddefnyddio sicrwydd oedran hynod effeithiol i sicrhau bod plant yn cael eu hatal rhag dod ar draws cynnwys pornograffig.

Rydym hefyd wedi canfod dros dro fod Youngtek Solutions Ltd wedi methu, ac yn parhau I fethu, â chydymffurfio â'i ddyletswydd o dan adran 102(8) o'r Ddeddf i ymateb i gais am wybodaeth.

Gellir dod o hyd i ragor o fanylion yma.

Diweddariad ar ymchwiliadau presennol – ehangu cwmpas

Fapello

Ar 12 Rhagfyr 2025, cyhoeddodd Ofcom hysbysiad gwybodaeth ffurfiol i ddarparwr fapello.com ("Fapello"), yr oedd yn ofynnol iddo ymateb iddo, o dan adran 100 o'r Ddeddf. Ar ddyddiad y cyhoeddiad hwn, nid yw Fapello wedi darparu ymateb llawn i'r hysbysiad gwybodaeth.

Felly, rydym wedi ehangu cwmpas yr ymchwiliad i Fapello i gynnwys ystyried a yw wedi methu â gweithredu yn unol â gofynion yr hysbysiad gwybodaeth. Gellir dod o hyd i'r bwletin ar gyfer yr ymchwiliad hwn yma.

Porntrex

Ar 17 Rhagfyr 2025, cyhoeddodd Ofcom hysbysiad gwybodaeth ffurfiol i ddarparwr porntrex.com a porntrex.tv ("Porntrex"), yr oedd yn ofynnol iddo ymateb iddo, o dan adran 100 o'r Ddeddf. Ar ddyddiad y cyhoeddiad hwn, nid yw Porntrex wedi darparu ymateb i'r hysbysiad gwybodaeth.

Felly, rydym wedi ehangu cwmpas yr ymchwiliad i Porntrex i gynnwys ystyried a yw wedi methu â gweithredu yn unol â gofynion yr hysbysiad gwybodaeth. Gellir dod o hyd i'r bwletin ar gyfer yr ymchwiliad hwn yma.

Sun Social Media Inc.

Ar 23 Rhagfyr 2025, cyhoeddodd Ofcom hysbysiad gwybodaeth ffurfiol i Sun Social Media Inc., yr oedd yn ofynnol iddo ymateb iddo, o dan adran 100 o'r Ddeddf. Ar ddyddiad y cyhoeddiad hwn, nid yw Sun Social Media Inc. wedi darparu ymateb i'r hysbysiad gwybodaeth.

Felly, rydym wedi ehangu cwmpas yr ymchwiliad i Sun Social Media Inc. i gynnwys ystyried a yw wedi methu â gweithredu yn unol â gofynion yr hysbysiad gwybodaeth. Gellir dod o hyd i'r bwletin ar gyfer yr ymchwiliad hwn yma.

XXBrits

Ar 11 Rhagfyr 2025, cyhoeddodd Ofcom hysbysiad gwybodaeth ffurfiol i ddarparwr: xxbrits.com; xxbrits.co.uk; xxbrits.to; xxbrits.su; xxbrits.st; xxbrits.win; xxbrits.ch; xxbrits.parti; xxbrits.tube; xxbrits.cr; xxbrits.ru; xxbrits.mx; xxbrits.tv; a xxbrits.lol ('XXBrits') gyda, yr oedd yn ofynnol iddo ymateb iddo, o dan adran 100 o'r Ddeddf. Ar ddyddiad y cyhoeddiad hwn, nid yw XXBrits wedi darparu ymateb i'r hysbysiad gwybodaeth.

Felly, rydym wedi ehangu cwmpas yr ymchwiliad i XXBrits i gynnwys ystyried a yw wedi methu â gweithredu yn unol â gofynion yr hysbysiad gwybodaeth. Gellir dod o hyd i'r bwletin ar gyfer yr ymchwiliad hwn yma.

Ymchwiliad newydd wedi'i agor

Heddiw rydym wedi agor ymchwiliad i Novi Ltd, (mewn perthynas â safle Gen AI, Joi.com). Mae Ofcom yn pryderu nad yw'r darparwr o bosibl wedi gweithredu mesurau sicrwydd oedran hynod effeithiol i atal plant rhag dod ar draws cynnwys pornograffig ar eu gwasanaeth, fel sy'n ofynnol o dan adran 12 o Ddeddf Diogelwch Ar-lein 2023 ('y Ddeddf'). Mae Ofcom hefyd yn pryderu y gallai'r darparwr fod wedi methu â chydymffurfio â'i ddyletswyddau o dan adran 36 o'r Ddeddf i gynnal a chadw cofnod ysgrifenedig o asesiad mynediad plant.

Bydd ymchwiliad Ofcom yn archwilio a oes sail resymol i gredu bod y cwmni hwn wedi methu, neu'n methu, â chydymffurfio â'i ddyletswyddau o dan adrannau 12 a 36 o’r Ddeddf, gan gynnwys ei rhwymedigaeth i ddiogelu plant rhag dod ar draws cynnwys pornograffig trwy ddefnyddio sicrwydd oedran hynod effeithiol.

Mae'r bwletin ar gyfer yr ymchwiliad hwn i'w gael yma.

Diweddariad ar ymchwiliadau presennol

AVS Group Ltd

Heddiw, mae Ofcom wedi cyhoeddi fersiwn nad yw'n gyfrinachol o'r Penderfyniad Cadarnhau a gyhoeddwyd gennym i AVS Group Ltd ar 3 Rhagfyr 2025 o dan y Ddeddf.

Mae'r Penderfyniad yn ymwneud â'n hymchwiliad i gydymffurfiaeth AVS Group Ltd â'i ddyletswyddau i atal plant rhag dod ar draws cynnwys pornograffig ar ei wefannau drwy ddefnyddio sicrwydd oedran hynod effeithiol, ac i ymateb i gais am wybodaeth.

Mae'r bwletin ar gyfer yr ymchwiliad hwn i'w gael yma.

First Time Videos LLC

Ar 12 Rhagfyr 2025, cyhoeddodd Ofcom hysbysiad gwybodaeth ffurfiol i First Time Videos LLC o dan adran 100 o'r Ddeddf. Ar ddyddiad y cyhoeddiad hwn, nid ydym wedi derbyn ymateb i'r hysbysiad gwybodaeth. Felly mae Ofcom bellach wedi ehangu'r ymchwiliad hwn i gynnwys ystyried i weld a yw First Time Videos LLC wedi methu, neu'n methu, â chydymffurfio â'i ddyletswydd i ymateb yn gywir i hysbysiad gwybodaeth a anfonwyd o dan y Ddeddf.

Gellir dod o hyd i'r bwletin ar gyfer yr ymchwiliad hwn yma.

Sun Social Media Inc.

Rydym wedi ychwanegu un gwasanaeth oedolion arall a weithredir gan Sun Social Media Inc. (pornflip.com) at gwmpas ein hymchwiliad i weld a yw Sun Social Media Inc. wedi methu, neu'n methu, â chydymffurfio â'i ddyletswyddau o dan adran 12 o'r Ddeddf, i atal plant rhag dod ar draws cynnwys pornograffig trwy ddefnyddio sicrwydd oedran hynod effeithiol. Os ydym yn nodi unrhyw wasanaethau oedolion arall a weithredir gan Sun Social Media Inc. sy'n dod o fewn cwmpas y Ddeddf, efallai y byddwn yn ehangu'r ymchwiliad i gynnwys y gwasanaethau hynny.  

Gellir dod o hyd i'r bwletin ar gyfer yr ymchwiliad hwn yma

Itai Tech Ltd

Heddiw, mae Ofcom wedi cyhoeddi fersiwn anghyfrinachol o'r Penderfyniad Cadarnhau a gyhoeddwyd gennym i Itai Tech Ltd ar 20 Tachwedd 2025 mewn perthynas â'i fethiant i gydymffurfio ag adran 81 o'r Ddeddf a'i fethiant i gydymffurfio â chais am wybodaeth statudol.

Mae'r Penderfyniad yn ymwneud â'n hymchwiliad i gydymffurfiaeth Itai Tech Ltd â'i ddyletswyddau i sicrhau, trwy ddefnyddio gwiriad oedran hynod effeithiol neu amcangyfrif oedran (neu'r ddau), nad yw plant fel arfer yn gallu dod ar draws cynnwys sy'n gynnwys pornograffig darparwr rheoleiddiedig, ac i ymateb i gais am wybodaeth.

Mewn ymateb i'n hymchwiliad, mae Itai Tech Ltd wedi gweithredu bloc i gyfyngu defnyddwyr â chyfeiriadau IP y DU rhag cael mynediad i'w wasanaeth.  Mae Itai Tech Ltd wedi talu'r ddirwy a nodir yn y Penderfyniad Cadarnhau. Mae'r ymchwiliad hwn bellach ar gau.

 Mae Itai Tech Ltd yn parhau i fod yn destun i rwymedigaethau o dan Ddeddf Diogelwch Ar-lein 2023 a bydd Ofcom yn parhau i fonitro'r gwasanaeth.

Gellir dod o hyd i'r bwletin ar gyfer yr ymchwiliad hwn yma.

AVS Group Ltd – Penderfyniad Cadarnhau

Ar 3 Rhagfyr 2025, cyhoeddwyd  Penderfyniad Cadarnhau i AVS Group Ltd mewn perthynas â'n hymchwiliad i'w gydymffurfiaeth ag adran 12 o'r Ddeddf, sy'n ei gwneud yn ofynnol i wasanaethau atal plant rhag dod ar draws cynnwys pornograffig trwy ddefnyddio sicrwydd oedran hynod effeithiol.

Rydym wedi canfod bod AVS Group Ltd wedi methu â chydymffurfio â'i ddyletswydd o dan adran 12 o'r Ddeddf ac mae'r methiant hwn yn parhau.

Rydym hefyd wedi canfod bod AVS Group Ltd wedi methu â chydymffurfio â'i ddyletswydd o dan adran 102(8) o'r Ddeddf i ymateb i gais am wybodaeth.

Mae rhagor o fanylion ar gael yma.

Methu â chydymffurfio ag adran 12 o'r Ddeddf

Rydym yn gosod cosb o £1,000,000 ar AVS Group Ltd mewn perthynas â thorri adran 12. Gosodwyd y gosb hon gan ystyried ein Canllawiau Cosb.

Yn ogystal, mae'n ofynnol i AVS Group Ltd gydymffurfio ag adran 12 drwy gymryd camau i weithredu sicrwydd oedran hynod effeithiol ar holl wefannau AVS Group sy’n weddill sydd heb fesurau fel hyn ar waith erbyn 5pm GMT ar 6 Rhagfyr 2025.

Os bydd AVS Group Ltd yn methu â chydymffurfio â'r gofyniad hwn, gosodir dirwy  ddyddiol o £1,000 y dydd gan ddechrau o 6 Rhagfyr 2025 hyd nes y cydymffurfir â'r ddyletswydd adran 12 neu 16 Mawrth 2026, pa un bynnag sydd gyntaf.

Methu â chydymffurfio ag adran 102(8) o'r Ddeddf

Rydym yn gosod cosb o £50,000 ar AVS Group Ltd mewn perthynas â thorri adran 102(8). Gosodwyd y gosb hon o ystyried ein Canllawiau Cosb.

Yn ogystal, mae'n ofynnol i AVS Group Ltd gymryd camau ar unwaith i ddarparu rhestr gyflawn i Ofcom o'r holl safleoedd a weithredir gan AVS Group Ltd.

Os bydd AVS Group Ltd yn methu â chydymffurfio â'r gofyniad hwn, bydd dirwy  ddyddiol o £300 y dydd yn cael ei gosod o 4 Rhagfyr 2025 hyd nes y cydymffurfir â dyletswydd adran 102(8) neu 1 Chwefror 2026, pa un bynnag sydd gyntaf.

Ymchwiliadau pellach wedi'u hagor

Ar 19 Tachwedd 2025, agorodd Ofcom ymchwiliadau i Sun Social Media Inc a darparwyr www.xxbrits.com, fapello.com, hqporner.com a www.porntrex.com.

Mae'r darparwyr canlynol yn rhestr o'r darparwyr yr ydym yn ymchwilio iddynt a'r safleoedd y maent yn eu gweithredu: 

• Sun Social Media Inc: www.playvids.com a www.peekvids.com
• Darparwr www.xxbrits.com, www.xxbrits.co.uk, www.xxbrits.to, www.xxbrits.su, www.xxbrits.st, www.xxbrits.win, www.xxbrits.ch, www.xxbrits.party, www.xxbrits.tube, www.xxbrits.cr, www.xxbrits.ru, www.xxbrits.mx, www.xxbrits.tv a www.xxbrits.lol
• Darparwr fapello.com
• Darparwr hqporner.com
• Darparwr www.porntrex.com a www.porntrex.tv 

Mae'r cwmnïau hyn wedi cael eu blaenoriaethu yn seiliedig ar y risg o niwed gan y gwasanaethau maen nhw'n eu gweithredu a nifer eu defnyddwyr, gan gynnwys lle bu cynnydd sylweddol yn eu niferoedd defnyddwyr ers dyddiad terfyn 25 Gorffennaf 2025.

Rydym yn ymchwilio i weld a yw pob un o'r darparwyr hyn wedi methu, neu'n methu, â chydymffurfio â'r dyletswyddau o dan adran 12 o’r Ddeddf Diogelwch Ar-lein 2023 (y Ddeddf) i atal plant rhag dod ar draws cynnwys pornograffig trwy ddefnyddio sicrwydd oedran hynod effeithiol, mewn perthynas â phob gwasanaeth rheoleiddiedig y maent yn ei weithredu.

Mae'r bwletinau ar gyfer pob ymchwiliad i'w gweld isod:

• Sun Social Media Inc 
• Darparwr www.xxbrits.com
• Darparwr fapello.com
• Darparwr hqporner.com 
• Darparwr www.porntrex.com 

Byddwn yn darparu’r wybodaeth ddiweddaraf am yr ymchwiliadau hyn maes o law.

Diweddariadau ar ymchwiliadau byw

Itai Tech Ltd 
Ar 19 Tachwedd 2025, cyhoeddwyd Penderfyniad Cadarnhau i Itai Tech Ltd mewn perthynas â'n hymchwiliad i'w gydymffurfiaeth ag adran 81 o'r Ddeddf, sy'n ei gwneud yn ofynnol i wasanaethau sy'n caniatáu cynnwys pornograffig ddefnyddio sicrwydd oedran hynod effeithiol i sicrhau bod plant yn cael eu hatal rhag dod ar draws cynnwys pornograffig. Rydym hefyd wedi canfod bod Itai Tech Ltd wedi methu â chydymffurfio â'u dyletswydd o dan adran 102(8) o'r Ddeddf i ymateb i gais am wybodaeth. Mae rhagor o fanylion ar gael yma.

Rydym yn gosod dirwy o £50,000 ar Itai Tech Ltd mewn perthynas â thorri adran 81, a dirwy pellach o £5,000 mewn perthynas â thorri adran 102(8)(a). Gosodwyd y gosb hon gan ystyried ein Canllawiau Cosb.

Nid ydym wedi gwneud unrhyw ganfyddiad ynghylch cydymffurfiaeth barhaus a byddwn yn parhau i fonitro geoflocio ar y wefan yn y dyfodol.

8579 LLC
Ar 19 Tachwedd 2025, cyhoeddwyd hysbysiad dros dro o dorri’r gyfraith i 8579 LLC, fel darparwr www.4kporn.xxx, www.crazyporn.xxx, www.love4porn.com, www.hoes.tube, www.429.xxx, a www.justpornflix.com, mewn perthynas â'n hymchwiliad i'w gydymffurfiaeth ag adran 12 o'r Ddeddf.

Mae'r hysbysiad hwn yn canfod bod gennym sail resymol i gredu bod 8579 LLC wedi methu, ac yn methu, â chydymffurfio â'i ddyletswydd sy'n ei gwneud yn ofynnol i wasanaethau sy'n caniatáu cynnwys pornograffig ddefnyddio sicrwydd oedran hynod effeithiol i sicrhau bod plant yn cael eu hatal rhag dod ar draws cynnwys pornograffig.

Rydym hefyd wedi canfod dros dro bod 8579 LLC wedi methu, ac yn methu,  â chydymffurfio â'u dyletswydd o dan adran 102(8) o'r Ddeddf i ymateb i gais am wybodaeth. Mae rhagor o fanylion ar gael yma.

Kick Online Entertainment S.A
Ar 19 Tachwedd 2025, cyhoeddwyd hysbysiad dros dro o dorri’r gyfraith i Kick Online Entertainment S.A, fel darparwr www.motherless.com, mewn perthynas â'n hymchwiliad i'w gydymffurfiaeth ag adran 12 o'r Ddeddf.

Mae'r hysbysiad hwn yn canfod bod gennym sail resymol i gredu bod Kick Online Entertainment S.A. wedi methu, ac yn methu, â chydymffurfio â'i ddyletswydd i ddefnyddio sicrwydd oedran hynod effeithiol i sicrhau bod plant yn cael eu hatal rhag dod ar draws cynnwys pornograffig.
Rydym hefyd wedi canfod dros dro bod Kick Online Entertainment S.A wedi methu, ac yn methu, â chydymffurfio â'u dyletswydd o dan adran 102(8) o'r Ddeddf i ymateb i gais am wybodaeth. Mae rhagor o fanylion ar gael yma.

Cyberitic, LLC
Ar 10 Medi 2025, cyhoeddodd Ofcom hysbysiad gwybodaeth ffurfiol i Cyberitic, LLC, yr oedd yn ofynnol iddo ymateb iddo o dan adran 100 o'r Ddeddf. Ar ddyddiad y cyhoeddiad hwn, nid yw Cyberitic, LLC wedi darparu ymateb i'r hysbysiad gwybodaeth. 

Felly, rydym wedi ehangu cwmpas yr ymchwiliad i Cyberitic, LLC i gynnwys ystyried a yw wedi methu â gweithredu yn unol â gofynion hysbysiad gwybodaeth. Gellir dod o hyd i'r bwletin ar gyfer yr ymchwiliad hwn yma. 

Darparwr www.xgroovy.com
Ar 23 Medi 2025, cyhoeddodd Ofcom hysbysiad gwybodaeth ffurfiol i ddarparwr www.xgroovy.com ('Xgroovy'), yr oedd yn ofynnol iddo ymateb iddo o dan adran 100 o'r Ddeddf. Ar ddyddiad y cyhoeddiad hwn, nid yw Xgroovy wedi darparu ymateb i'r hysbysiad gwybodaeth. 

Felly, rydym wedi ehangu cwmpas yr ymchwiliad i Xgroovy i gynnwys ystyried a yw wedi methu â gweithredu yn unol â gofynion hysbysiad gwybodaeth. Gellir dod o hyd i'r bwletin ar gyfer yr ymchwiliad hwn yma. 

Trendio Ltd
Ar 19 Tachwedd 2025 fe wnaethom gau ein hymchwiliad i Trendio Ltd mewn perthynas â'r safleoedd oedolion www.theyarehuge.com, www.tranny.one, www. ah-me.com, www. ashemale.one, www. bdsm.one, www.bemyhole.com, www. gaygo.tv, www.gayxo.com, www. shemale.pub, www.sunporno.com, a www.yesvids.com.  

Fe wnaethom agor ymchwiliad ar 30 Gorffennaf 2025 oherwydd pryderon nad oedd Trendio Ltd wedi gweithredu mesurau sicrhau oedran hynod effeithiol i atal plant rhag dod ar draws cynnwys pornograffig ar ei wasanaethau oedolion, erbyn y dyddiad terfyn o 25 Gorffennaf 2025, fel sy'n ofynnol gan y Ddeddf. 

Mewn ymateb i'n hymchwiliad, darparodd Trendio Ltd wybodaeth yn dangos ei fod wedi cymryd camau mewn ewyllys da tuag at gydymffurfio erbyn y dyddiad cau. Ar ôl ystyried y wybodaeth a ddarparwyd gan Trendio Ltd ar eu gweithrediad o sicrwydd oedran hynod effeithiol, nid yw Ofcom yn ystyried ei bod yn briodol parhau â'r ymchwiliad.

Rydym wedi cau ein hymchwiliad heb wneud unrhyw ganfyddiadau ynghylch cydymffurfiaeth Trendio Ltd â'i ddyletswyddau. 

AVS Group Ltd
Heddiw, rydym wedi cyhoeddi hysbysiad dros dro i AVS Group Ltd mewn perthynas â'n hymchwiliad i'w gydymffurfiaeth ag adran 12 o Ddeddf Diogelwch Ar-lein 2023 (y Ddeddf), sy'n ei gwneud yn ofynnol i wasanaethau sy'n caniatáu cynnwys pornograffig ddefnyddio sicrwydd oedran hynod effeithiol i sicrhau bod plant yn cael eu hatal rhag dod ar draws cynnwys pornograffig. Rydym hefyd wedi canfod dros dro fod AVS Group Ltd wedi methu â chydymffurfio â'u dyletswydd o dan adran 102(8) o'r Ddeddf i ymateb i gais am wybodaeth.  

Mae rhagor o fanylion ar gael ar ein tudalen ymchwiliad: Ymchwiliad i gydymffurfiaeth AVS Group Ltd â'r ddyletswydd i atal plant rhag dod ar draws cynnwys pornograffig trwy ddefnyddio sicrwydd oedran.

Youngtek Solutions Ltd
Ar 10 Medi 2025, cyhoeddodd Ofcom hysbysiad gwybodaeth ffurfiol i Youngtek Solutions Ltd, yr oedd yn ofynnol iddynt ymateb iddo, o dan adran 100 o'r Ddeddf Diogelwch Ar-lein. Ar ddyddiad y cyhoeddiad hwn, nid yw Youngtek Solutions Ltd wedi ymateb i'r hysbysiad gwybodaeth.
 
Felly, rydym wedi ehangu cwmpas yr ymchwiliadau i Youngtek Solutions Ltd i gynnwys ystyried a ydynt wedi methu â gweithredu yn unol â gofynion hysbysiad gwybodaeth. Gellir dod o hyd i'r bwletin ar gyfer yr ymchwiliad hwn yma.

Heddiw, rydym wedi cyhoeddi penderfyniad dros dro i Itai Tech Ltd ynglŷn â'n hymchwiliad i weld a ydynt wedi methu â chydymffurfio ag adran 18 o’r Ddeddf Diogelwch Ar-lein 2023 (y Ddeddf), sy'n ei gwneud yn ofynnol i wasanaethau gael sicrwydd oedran hynod effeithiol ar waith i sicrhau nad yw plant fel arfer yn dod ar draws cynnwys sy'n cynnwys pornograffig.Rydym hefyd wedi a methu â chydymffurfio â'u dyletswydd o dan 102(8) o’r Ddeddf  i ymateb i gais am wybodaeth.

Gellir dod o hyd i fanylion pellach ar ein tudalen ymchwiliad:  Ymchwiliad i gydymffurfiaeth Itai Tech Ltd gyda'r Dddeddf Diogelwch Arlein 2023

Ymchwiliadau pellach wedi'u hagor

Ar 10 Medi 2025, agorodd Ofcom ymchwiliadau i ZD Media s.r.o., Cyberitic, LLC, Web Prime Inc, Youngtek Solutions Ltd a darparwr www.xgroovy.com. Y gwasanaethau i oedolion a weithredir gan y darparwyr hyn yw'r canlynol:

• ZD Media s.r.o.: www.hello.porn, www.homo.xxx, www.max.porn, www.ok.porn, www.ok.xxx, www.perfectgirls.xxx, www.pin.porn, www.pornhat.com, www.pornhat.one a www.pornstars.tube
• Cyneritic, LLC: shesfreaky.com
• Web Prime Inc: www.anysex.com, www.fapality.com, www.mylust.com, www.xcafe.com a www.yourlust.com
• Youngtek Solutions Ltd: www.imagefap.com, www.empflix.com, www.moviefap.com, www.pornrepublic.com a www.TNAflix.com
• Darparwr www.xgroovy.com

Mae'r cwmnïau hyn wedi cael eu blaenoriaethu yn seiliedig ar y risg o niwed a achosir gan y gwasanaethau maen nhw'n eu gweithredu a niferoedd eu defnyddwyr, gan gynnwys lle bu cynnydd sylweddol yn nifer eu defnyddwyr ers y dyddiad cau, sef 25 Gorffennaf 2025. Rydym hefyd wedi blaenoriaethu darparwyr sydd wedidatgan i Ofcom y byddai sicrwydd oedran yn cael ei weithredu ar eu gwasanaethau, ond nad oedd datrysiad sicrwydd oedran ar waith pan gafodd y gwasanaethau eu cyrchu o 'r DU.   

Rydym yn ymchwilio a yw pob un o'r darparwyr hyn wedi methu, neu'n methu, â chydymffurfio â'r dyletswyddau o dan adran 12 o Ddeddf Diogelwch Ar-lein 2023 i atal plant rhag dod ar draws cynnwys pornograffig trwy ddefnyddio sicrwydd oedran hynod effeithiol, mewn perthynas â phob gwasanaeth rheoledig y maent yn ei weithredu. Yn ogystal, neu fel arall, rydym hefyd yn ystyried a yw ZD Media s.r.o. wedi methu, neu'n methu, â chydymffurfio â'r dyletswyddau o dan adran 81 yn Rhan 5 o'r Ddeddf i atal plant rhag dod ar draws cynnwys pornograffig trwy ddefnyddio sicrwydd oedran hynod effeithiol, fel y bo'n berthnasol.

Gellir dod o hyd i’r bwletinau ar gyfer pob ymchwil isod:

• ZD Media s.r.o
• Cyberitic, LLC
• Web Prime Inc
• Youngtek Solutions Ltd
• Darparwr xgroovy

Byddwn yn rhoi'r wybodaeth ddiweddaraf am yr ymchwiliadau hyn maes o law.

Diweddariadau ar ymchwiliadau presennol

Itai Tech Cyf

Ar 24 Mehefin 2025, cyhoeddodd Ofcom hysbysiad gwybodaeth ffurfiol i Itai Tech Ltd o dan adran 100 o'r Ddeddf Diogelwch Ar-lein, yr oedd yn ofynnol iddynt ymateb iddo. Ar ddyddiad y diweddariad hwn, nid oedd unrhyw ymateb wedi dod i law.  

O ganlyniad, gwnaethom ehangu cwmpas yr ymchwiliad hwn i ystyried a yw Itai Tech Ltd wedi methu, neu'n methu, â chydymffurfio â'i ddyletswydd i ymateb yn unol â gofynion hysbysiad gwybodaeth. Gellir dod o hyd i'r bwletin ar gyfer yr ymchwiliad hwn yma.

8579 LLC

Ar 14 Awst 2025, cyhoeddodd Ofcom hysbysiad gwybodaeth ffurfiol i 8579 LLC, yr oedd yn ofynnol iddynt ymateb iddo, o dan adran 100 o'r Ddeddf Diogelwch Ar-lein. Ar ddyddiad y cyhoeddiad hwn, nid yw 8579 LLC wedi darparu ymateb i'r hysbysiad gwybodaeth.

Felly, rydym wedi ehangu cwmpas yr ymchwiliadau i 8579 LLC i gynnwys ystyried a ydynt wedi methu â gweithredu yn unol â gofynion hysbysiad gwybodaeth. Gellir dod o hyd i'r bwletin ar gyfer yr ymchwiliad hwn yma.

Yn ogystal, rydym wedi ychwanegu dau wasanaethau oedolion pellach a weithredir gan 8579 LLC (www.justpornflix.com a www.429.xxx) at gwmpas ein hymchwiliad o ran a yw 8579 LLC wedi methu, neu'n methu, â chydymffurfio â'i ddyletswyddau o dan adran 12 o'r Ddeddf, sy'n ei gwneud yn ofynnol i wasanaethau atal plant rhag dod ar draws cynnwys pornograffig trwy ddefnyddio sicrwydd oedran hynod effeithiol. Os byddwn yn nodi unrhyw wasanaethau oedolion pellach a weithredir gan 8579 LLC sy’n dod o fewn cwmpas y Ddeddf, efallai y byddwn yn ehangu’r ymchwiliad i gynnwys y gwasanaethau hynny.

Ar 30 Gorffennaf 2025, agorodd Ofcom ymchwiliad i Duplanto Ltd, darparwr y gwasanaeth i oedolion www.pornhaven.ai. Fe wnaethom ohirio'r cyhoeddiad cyhoeddus am yr ymchwiliad am resymau gweinyddol.

Rydym yn ymchwilio i weld a yw Duplanto Ltd wedi methu, neu'n methu, â chydymffurfio â'r dyletswyddau o dan adran 12 o Ddeddf Diogelwch Ar-lein 2023 i atal plant rhag dod ar draws cynnwys pornograffig trwy ddefnyddio sicrwydd oedran hynod effeithiol.

Mae'r bwletin ar gyfer yr ymchwiliad hwn i'w weld yma.

Byddwn yn rhoi diweddariad ar yr ymchwiliad hwn maes o law.

Ar 30 Gorffennaf 2025, cyhoeddwyd hysbysiad gwybodaeth ffurfiol i AVS Group Ltd a Kick Online Entertainment S.A., yr oedd yn ofynnol iddynt ymateb iddo, o dan adran 100 o'r Ddeddf Diogelwch Ar-lein. Hyd at y cyhoeddiad hwn, nid yw AVS Group Ltd a Kick Online Entertainment S.A wedi darparu ymateb i'r hysbysiadau gwybodaeth.

Felly, rydym wedi ehangu cwmpas yr ymchwiliadau i AVS Group Ltd a Kick Online Entertainment S.A. i gynnwys ystyried a ydynt wedi methu â gweithredu yn unol â gofynion hysbysiad gwybodaeth. Gellir dod o hyd i’r bwletinau ar gyfer yr Ymchwiliadau hyn isod:

• AVS Group Ltd
• Kick Online Entertainment S.A

Ar 30 Gorffennaf 2025 agorodd Ofcom ymchwiliadau i 8579 LLC, AVS Group Ltd, Kick Online Entertainment SA, a Trendio Ltd, darparwyr y gwasanaethau canlynol i oedolion:

• 8579 LLC: www.4kporn.xxx, www.crazyporn.xxx, www.love4porn.com a www.hoes.tube
• AVS Group Ltd: www.pornzog.com, www.txxx.com, www.txxx.tube, www.upornia.com, www.hdzog.com, www.hdzog.tube, www.thegay.com, www.thegay.tube, www.ooxxx.com, www.hotmovs.com, www.hclips.com, www.vjav.com, www.pornl.com, www.voyeurhit.com, www.manysex.com, www.tubepornclassic.com, www.shemalez.com a www.shemalez.tube.
• Kick Online Entertainment S.A.: www.motherless.com
• Trendio Ltd: www.theyarehuge.com, www.tranny.one, www. ah-me.com, www. ashemale.one, www. bdsm.one, www.bemyhole.com, www. gaygo.tv, www.gayxo.com, www. shemale.pub, www.sunporno.com a www.yesvids.com

Rydym yn ymchwilio a yw'r darparwyr hyn wedi methu, neu'n methu â, chydymffurfio â'r dyletswyddau o dan adran 12 o Ddeddf Diogelwch Ar-lein 2023 i atal plant rhag dod ar draws cynnwys pornograffig trwy ddefnyddio sicrwydd oedran hynod effeithiol.

Mae'r bwletinau ar gyfer pob ymchwiliad i'w gweld isod:

• 8579 LLC
• Grŵp AVS Cyf
• Cic Adloniant Ar-lein S.A.
• Trendio Cyf

Byddwn yn rhoi diweddariad ar yr ymchwiliadau hyn maes o law.

Testun

Ar 25 Gorffennaf 2025 byddwn yn ehangu ffocws ein rhaglen orfodi fel bod yn rhaid i fesurau sicrhau oedran gael eu rhoi ar waith gan wasanaethau sy'n caniatáu cynnwys pornograffig a gynhyrchir gan ddefnyddwyr.

Hyd yma, mae'r rhaglen orfodi hon wedi canolbwyntio ar ddarparwyr gwasanaethau sy'n cyhoeddi neu'n dangos eu cynnwys pornograffig eu hunain - gwasanaethau Rhan 5 - a'u dyletswydd i sicrhau nad yw plant fel arfer yn gallu dod ar draws cynnwys o'r fath, drwy ddefnyddio mesurau effeithiol iawn i sicrhau oedran.

Rydym ni nawr yn mynd i ehangu cwmpas y rhaglen i gynnwys darparwyr gwasanaethau sy'n caniatáu i ddefnyddwyr gynhyrchu neu uwchlwytho eu cynnwys pornograffig eu hunain, sef 'gwasanaethau Rhan 3'. Rhaid i'r gwasanaethau hyn hefyd roi mesurau effeithiol iawn i sicrhau oedran ar waith er mwyn sicrhau bod plant yn cael eu hatal rhag dod ar draws cynnwys pornograffig. Mae'r gofyniad hwn yn weithredol o 25 Gorffennaf 2025.

Ni waeth a yw gwasanaeth i oedolion yn dod o fewn cwmpas Rhan 3 ynteu Ran 5 o'r Ddeddf Diogelwch Ar-lein, mae'r canlyniad a'r disgwyliadau’r un fath yn y pen draw: pan fydd y ddyletswydd yn berthnasol, rhaid i'r gwasanaeth gael mesurau effeithiol iawn i sicrhau oedran ar waith er mwyn sicrhau bod plant yn cael eu hatal rhag cael gafael ar gynnwys pornograffig. Mae'r dyletswyddau'n berthnasol i'r holl wasanaethau oedolion sydd â 'chysylltiadau â'r DU', ni waeth ble mae'r darparwr wedi'i leoli.

Ers mis Ebrill, mae Ofcom wedi cysylltu â channoedd o wasanaethau Rhan 3 sy'n lletya pornograffi a gynhyrchir gan ddefnyddwyr, i'w hysbysu am eu dyletswyddau o dan y Ddeddf, ac am y dyddiad cau ar gyfer rhoi mesurau effeithiol iawn i sicrhau oedran ar waith. Fe wnaethom hefyd gyhoeddi llythyr agored yn rhoi gwybod i ddarparwyr am y gofynion a fydd yn berthnasol i'r safleoedd hyn. 

O 25 Gorffennaf 2025 ymlaen, byddwn yn gwirio mesurau sicrhau oedran gwasanaethau Rhan 3 sy'n lletya cynnwys pornograffig a gynhyrchir gan ddefnyddwyr. Rydym yn disgwyl cyhoeddi'r ymchwiliadau cyntaf o dan y rhaglen estynedig ar wefan Ofcom wythnos nesaf, gydag ymchwiliadau ychwanegol yn debygol o gael eu hagor yn ystod y misoedd nesaf lle bo hynny'n briodol, ar sail ein hadolygiad parhaus o wasanaethau o fewn y cwmpas Rhan 3 a Rhan 5.

Mewn achosion o fethiannau cydymffurfio, gallwn osod dirwyon o hyd at £18 miliwn neu 10% o refeniw byd-eang cymwys (pa un bynnag sydd fwyaf). Yn yr achosion mwyaf difrifol o beidio â chydymffurfio, a lle bo’n briodol o ystyried y risg o niwed i unigolion yn y Deyrnas Unedig, gallwn ofyn am orchymyn llys i fynnu bod trydydd partïon yn cymryd camau i darfu ar fusnes y darparwr. Gall hyn ei gwneud yn ofynnol i drydydd partïon (fel darparwyr gwasanaethau talu neu hysbysebu, neu Ddarparwyr Gwasanaeth Rhyngrwyd) dynnu gwasanaethau o wasanaeth rheoledig yn y Deyrnas Unedig, neu rwystro mynediad ato.

Mae rhagor o wybodaeth am ein dull gorfodi ar gael yn ein Canllawiau Gorfodi Diogelwch Ar-lein.

Esboniodd ein gohebiaeth â gwasanaethau rhan 5 ym mis Ionawr fod y dyletswyddau sicrwydd oedran hynod effeithiol wedi dod i rym a gofynnwyd i'r gwasanaethau hyn ddarparu manylion eu cynlluniau cydymffurfio gydag amserlen ar gyfer gweithredu a phwynt cyswllt penodol.

Ymatebodd tua 40 o wasanaethau rhan 5 i ddechrau gan roi manylion am nifer o ddulliau sicrwydd oedran hynod effeithiol yr oeddent yn bwriadu eu rhoi ar waith ar tua 1,300 o safleoedd gan gynnwys (ond heb fod yn gyfyngedig i) amcangyfrif oedran wyneb, waliau talu â cherdyn credyd a thudalennau glanio diogel ar gyfer gwaith. Mae llawer o wasanaethau yn defnyddio dull aml-haenog gan ddefnyddio cyfuniad o'r atebion hyn.

Rydym hefyd wedi gweld enghreifftiau o nifer fach o wasanaethau sydd wedi dewis geo-rwystro’r DU i sicrhau na all plant gael mynediad i’w safleoedd.

Yn galonogol, mae’r rhan fwyaf o’r gwasanaethau mwyaf yn y sector rhan 5 wedi cadarnhau eu bod yn gweithredu neu fod ganddynt gynlluniau i roi sicrwydd oedran ar waith yn fuan, a byddwn yn monitro’r gwasanaethau hynny i sicrhau eu bod yn cyflawni’r cynlluniau hynny a byddwn yn adolygu tueddiadau lle gwelwn gynnydd mawr yn nifer y defnyddwyr i sicrhau bod sicrwydd oedran hynod effeithiol ar waith.

Fodd bynnag, mae rhai gwasanaethau wedi methu ag ymateb i gais Ofcom ac nid yw’n ymddangos eu bod wedi cymryd unrhyw gamau i roi sicrwydd oedran hynod effeithiol ar waith. Felly, rydym wedi penderfynu agor dau ymchwiliad.

Rydym wedi agor ymchwiliad i Itai Tech Ltd, (mewn perthynas â'r wefan 'noethni', Undress.cc), a Score Internet Group LLC (mewn perthynas ag un o'u safleoedd stiwdio, Scoreland.com). Nid yw’n ymddangos bod y ddau wasanaeth wedi cymryd camau i roi sicrwydd oedran hynod effeithiol ar waith ar eu gwasanaethau, fel sy’n ofynnol o dan adran 81 o’r Ddeddf Diogelwch Ar-lein.

Bydd ymchwiliadau Ofcom yn archwilio a oes sail resymol dros gredu bod pob un o’r cwmnïau wedi methu, neu’n methu, â chydymffurfio â’i ddyletswyddau o dan adran 81 yn Rhan 5 o Ddeddf Diogelwch Ar-lein 2023 (y ‘Ddeddf’) i amddiffyn plant rhag dod ar draws cynnwys pornograffig trwy ddefnyddio sicrwydd oedran hynod effeithiol.

Byddwn yn darparu'r wybodaeth ddiweddaraf am yr ymchwiliadau hyn maes o law. Mae Canllawiau Ofcom ar Orfodi Diogelwch Ar-lein yn nodi sut y bydd Ofcom fel arfer yn mynd ati i orfodi o dan y Ddeddf. Mae hyn yn cynnwys ein dull o gasglu a dadansoddi gwybodaeth a'r camau gweithdrefnol y mae'n rhaid i ni eu cymryd i bennu canlyniad yr ymchwiliad yn deg.

Lle byddwn yn nodi methiannau cydymffurfio, gallwn osod dirwyon o hyd at £18m neu 10% o refeniw byd-eang (pa un bynnag sydd fwyaf). Yn yr achosion mwyaf difrifol o ddiffyg cydymffurfio, a lle y bo’n briodol o ystyried y risgiau o niwed i unigolion yn y DU, gallwn geisio gorchymyn llys i’w gwneud yn ofynnol i drydydd parti gymryd camau i amharu ar fusnes y darparwr. Gall hyn ei gwneud yn ofynnol i drydydd parti (megis darparwyr gwasanaethau talu neu hysbysebu, neu Ddarparwyr Gwasanaeth Rhyngrwyd) dynnu gwasanaethau yn ôl o wasanaeth rheoleiddiedig yn y DU, neu rwystro mynediad iddo.

Ers mis Ionawr, fel rhan o'n gwaith i sicrhau bod gwasanaethau Rhan 5 yn cymryd camau i gydymffurfio â'r ddyletswydd i weithredu sicrwydd oedran hynod effeithiol ar eu safleoedd, rydym wedi ysgrifennu at wasanaethau Rhan 3 i'w hysbysu am yr un ddyletswydd, a fydd yn berthnasol iddynt o 25 Gorffennaf 2025.

Fe wnaethom gysylltu â channoedd o wasanaethau defnyddiwr-i-ddefnyddiwr Rhan 3 ar 25 Ebrill, a'u prif ddiben yw cynnal pornograffi a gynhyrchir gan ddefnyddwyr. Rydym wedi cyhoeddi’r llythyr agored hwn yn rhoi gwybod am y gofynion sydd i ddod a fydd yn berthnasol i’r safleoedd hyn, er mwyn rhoi amser iddynt gymryd y camau angenrheidiol i sicrhau cydymffurfiaeth.

Ar 17 Ionawr 2025, fe wnaethom ysgrifennu at gannoedd o ddarparwyr, gyda’i gilydd yn cwmpasu miloedd o wefannau sy’n cyhoeddi neu’n arddangos cynnwys pornograffig, i’w hysbysu o’u rhwymedigaethau o dan Ran 5 o’r Ddeddf Diogelwch Ar-lein i roi Sicrwydd Oedran Hynod Effeithiol (HEAA) ar waith i atal plant rhag cael mynediad at gynnwys pornograffig.

Gofynnom iddynt ymateb gyda manylion eu cynlluniau i gyflawni eu rhwymedigaethau i osod Sicrwydd Oedran Hynod Effeithiol ar eu safleoedd a'r amserlenni disgwyliedig.

Y dyddiad cau ar gyfer ymatebion oedd rhwng 3 a 6 Mawrth 2025. Hyd yn hyn, rydym wedi cael ymgysylltiad cadarnhaol o bob rhan o'r sector ac mae nifer o ddarparwyr wedi rhoi Sicrwydd Oedran Hynod Effeithiol ar waith mewn ymateb i'n rhaglen. Rydym yn adolygu cynlluniau cydymffurfio ac amserlenni gweithredu ar gyfer gwasanaethau eraill sydd o fewn cwmpas y dyletswyddau hyn. 

Rydym hefyd yn asesu mesurau Sicrwydd Oedran Hynod Effeithiol gwasanaethau nad ydynt wedi ymateb ac mae nifer o wasanaethau wedi'u cyfeirio at ein tîm gorfodi i'w hadolygu ymhellach. Byddwn yn asesu safleoedd o'r fath ac yn ystyried yn ystod yr wythnosau nesaf a yw camau gorfodi ffurfiol yn briodol. Bydd manylion unrhyw ymchwiliadau newydd yn cael eu cyhoeddi ar ein gwefan.

Mae Rhan 5 o Ddeddf Diogelwch Ar-lein 2025 yn gosod dyletswyddau (dyletswyddau Rhan 5) ar ddarparwyr cynnwys pornograffig rheoleiddiedig i sicrhau, trwy ddefnyddio gwirio oedran neu amcangyfrif oedran (neu'r ddau), nad yw plant (dan 18 oed) fel arfer yn gallu dod ar draws cynnwys pornograffig. Rhaid i fesurau gwirio oedran o'r fath fod yn hynod effeithiol wrth benderfynu'n gywir a yw defnyddiwr penodol yn blentyn. Daw'r ddyletswydd hon i rym ar 17 Ionawr 2025.

Mae Ofcom wedi agor rhaglen orfodi i fesurau sicrhau oedran ar draws y sector oedolion, a fydd yn canolbwyntio i ddechrau ar gydymffurfiaeth darparwyr rheoleiddiedig â dyletswyddau Rhan 5.

Camau rydym yn eu cymryd:

O 17 Ionawr ymlaen, byddwn yn ysgrifennu at bob darparwr gwasanaeth sy'n arddangos neu'n cyhoeddi cynnwys pornograffig (Darparwyr Gwasanaeth Rhan 5) i'w hysbysu am eu rhwymedigaethau o dan y Ddeddf Diogelu Plant ac i ofyn am gadarnhad o'r darpariaethau sicrhau oedran y maent yn eu gweithredu i sicrhau cydymffurfiaeth â'u dyletswyddau o dan Ran 5 o'r Ddeddf Diogelu Plant. Gellir dod o hyd i gopi o'r llythyr ar ein tudalen gohebiaeth gyhoeddus.

Bydd ein tîm Goruchwylio, sy'n arwain y gwaith o ymgysylltu â gwasanaethau rheoleiddiedig, hefyd yn ymgysylltu'n uniongyrchol â'r diwydiant oedolion i gefnogi cydymffurfiaeth. Bydd hyn yn cynnwys ymgysylltiad rheolaidd un i un â'r gwasanaethau mwyaf neu fwyaf peryglus, yn ogystal â chynnal a mynychu cynadleddau'r diwydiant oedolion i godi ymwybyddiaeth o Ofcom a'r rheoliadau newydd a datblygu cyfathrebiadau creadigol a fydd yn hysbysu gwasanaethau pornograffi yn effeithiol am eu rhwymedigaethau.