Addewid i recriwtio mwy o fenywod i rolau technoleg uwch
Mae Ofcom a rhai o brif sefydliadau telathrebu a thechnoleg y DU wedi llofnodi Women in Tech, addewid sy’n ymrwymo i hyrwyddo rôl menywod mewn swyddi technoleg yn y sector telathrebu.
Dim ond canran fach o’r gweithlu gwyddoniaeth, technoleg, peirianneg a mathemateg (STEM) craidd sy'n fenywod, ac mae’r sector telathrebu’n cydnabod yr her o gyflawni amrywiaeth rhwng y rhywiau mewn rolau technoleg.
Mewn ymdrech i fynd i’r afael â’r her yma, mae Ofcom a phrif sefydliadau telathrebu a thechnoleg y DU wedi dod ynghyd i addo helpu mwy o fenywod i adeiladu gyrfaoedd gwerth chweil yn y diwydiant telathrebu. Nod yr addewid yw denu, cadw a dyrchafu menywod mewn rolau technolegol, gan ategu ymdrechion presennol y sector. Drwy weithio ar y cyd, byddwn yn ymdrechu i godi ymwybyddiaeth ac ysgogi newid cadarnhaol
.
Pwy sydd wedi ymrwymo i'r addewid?
- BT
- CityFibre
- GCHQ
- NCSC
- Openreach
- Sky
- TalkTalk
- Three
- Virgin Media O2
- Vodafone
- Vorboss
- Zen Internet
Yr addewid yn llawn
- Rydym wedi ymrwymo i gynyddu’r gynrychiolaeth o fenywod mewn swyddi uwch sy’n ymwneud â thechnoleg yn y sector telathrebu dros y 3 blynedd nesaf; ac i gynyddu cynrychiolaeth gyffredinol menywod yn ein sector.
- Byddwn yn buddsoddi ein hymdrechion i ddenu a chadw menywod yn ein sefydliadau, gan greu amgylcheddau cynhwysol iddynt ragori a gwneud eu gorau.
- Fel diwydiant, byddwn yn dod at ein gilydd bob blwyddyn i rannu arferion da a dangos i’r byd y menywod talentog sydd gennym ym maes technoleg yn y sector telathrebu.
- Byddwn yn cyhoeddi gwybodaeth am yr effaith mae ein mentrau wedi’i chael ar ein huchelgeisiau ar y cyd yn ogystal ag yn erbyn strategaethau Amrywiaeth a Chynhwysiad ein sefydliadau. Ein nod yw cyhoeddi gwybodaeth am ein cynlluniau er mwyn ysbrydoli eraill yn y sector.