Ni fydd defnyddwyr seinyddion clyfar yn teimlo'n unig y Nadolig yma
Mae seinyddion clyfar yn chwarae rhan bwysig wrth fynd i'r afael ag unigrwydd i bobl sy'n byw ar eu pennau eu hunain, yn ôl ymchwil newydd gan Ofcom.
Dengys ein data diweddaraf fod perchnogaeth ar seinyddion clyfar bron wedi dyblu yn ystod y pandemig, gan godi o 22% o aelwydydd yn 2020 i 39% yn gynharach eleni.[1]
Mae seinyddion clyfar yn chwarae rhan bwysig wrth fynd i'r afael ag unigrwydd i bobl sy'n byw ar eu pennau eu hunain, yn ôl ymchwil newydd gan Ofcom.
Dengys ein data diweddaraf fod perchnogaeth ar seinyddion clyfar bron wedi dyblu yn ystod y pandemig, gan godi o 22% o aelwydydd yn 2020 i 39% yn gynharach eleni.[2]
Alexa, i beth mae pobl yn dy ddefnyddio?
Yn bennaf roedd y cyfranogwyr yn ein hymchwil yn defnyddio eu seinyddion clyfar i wrando ar gerddoriaeth, y radio, newyddion a diweddariadau tywydd. Dengys ffigurau diweddaraf y diwydiant fod 13% o'r holl oriau gwrando ar y radio bellach yn digwydd drwy seinyddion clyfar.[3] Yn gyffredinol, roedd pobl yn teimlo eu bod yn gwrando ar y radio yn fwy nag yr oedden nhw o'r blaen, gan ddweud bod eu seinydd clyfar yn caniatáu iddynt wrando ar ystod ehangach o orsafoedd nag yn y gorffennol.
Roedd rhai yn disgrifio eu seinydd fel cymar, yn enwedig os oedden nhw'n byw ar eu pennau eu hunain. Roedden nhw'n teimlo ei bod yn dda wrth daclo unigrwydd ac yn hoffi'r ffaith eu bod yn gallu siarad â'u seinydd.
“Byw ar eich pen eich hun mae fel cael ffrind yn y tŷ.”
Dyn 55–64 oed, Defnyddiwr Seinydd Clyfar (Amazon / Alexa), Gorllewin Canolbarth Lloegr
Dywedodd rhai pobl anabl fod seinydd clyfar wedi cael effaith arwyddocaol ar eu bywydau, gan roi mwy o annibyniaeth iddynt a'u helpu i reoli - a hyd yn oed gwella - eu cyflyrau a'u galluoedd.
“Mae'n gwneud gwahaniaeth gwirioneddol rhwng cynnal annibyniaeth o gwmpas y tŷ... does dim rhaid i fy ngofalwyr godi ar eu traed bob pum munud. Fel heno, roeddwn i'n gallu gofyn yn syml iddo roi'r goleuadau ymlaen. Flynyddoedd yn ôl, cyn i mi gael y cyfleuster hwnnw... Byddwn i wedi gorfod gofyn i bobl wneud pethau â llaw.”
Dyn 25–34 oed, Defnyddiwr seinydd clyfar (Amazon / Alexa), De-orllewin Lloegr
Rhesymau dros fod yn ofnus?
Doedd pobl sydd heb siaradwr craff chwaith ddim yn gweld y pwynt neu'n ei weld fel nwydd moeth yn hytrach na rheidrwydd. Fodd bynnag, roedd rhai'n poeni am ei fod yn gwrando arnynt, er bod hyn yn fwy o bryder eilradd yn hytrach na phrif rwystr.
Gwaethygwyd y teimlad ei fod yn gwrando arnoch ymhellach i rai oherwydd i'w seinydd siarad weithiau, hyd yn oed pan nad oedd y 'gair deffro' wedi'i ddefnyddio. Mynegodd rhai pobl bryderon am y potensial i droseddwyr ddefnyddio seinyddion clyfar i ddwyn data a hacio eu systemau, o bosib i ddwyn hunaniaethau neu fanylion banc. Roedd ambell un yn sôn iddynt glywed am dechnoleg arall - fel monitorau babanod a llwybryddion - yn cael eu hacio.
Fodd bynnag, roedd y rhan fwyaf yn defnyddio eu seinyddion heb fawr o bryder ac heb feddwl am risgiau o ddydd i ddydd.
Hei Siri, ydy pobl yn gas i ti?
Mae cyfran fawr o'r cyfranogwyr yn dynweddu eu seinyddion clyfar, gan gyfeirio atynt fel 'ef' neu 'hi’. Mae rhai pobl hefyd yn gofyn cwestiynau mewn modd sgyrsiol, yn dweud 'plîs' a 'diolch', a hyd yn oed darllen 'bwriad' neu 'bersonoliaeth' mewn ymatebion a chamgymeriadau.
Fodd bynnag, nid oedd pawb yn teimlo'n annwyl tuag at eu seinydd clyfar, gan ei ystyried yn fwy o was na chyfaill cymwynasgar.
“Mae'n darn o beirianwaith. Fyddwn i ddim yn diolch i fy haclif am fynd trwy ddarn o bren. Fyddwn i ddim yn diolch i sgriwdreifar am ei sgriwio i mewn.”
Dyn 25–34 oed, Defnyddiwr seinydd clyfar (Google Nest), Swydd Efrog a'r Humber
Hefyd, roedd y rhan fwyaf o bobl yn teimlo'n rhwystredig gan nad oedd eu siaradwr bob amser yn ymateb yn gywir i orchmynion, naill ai'n eu hanwybyddu neu'n gwneud y peth 'anghywir'. Teimlwyd hyn yn benodol gan bobl sydd ag acenion rhanbarthol cryf.
Iawn Google, beth am y newyddion?
Mae data diweddaraf Ofcom yn dangos bod 27% o berchnogion seinyddion clyfar yn cael eu newyddion o'u dyfais.[1]
Ystyriodd y rhan fwyaf o'n cyfranogwyr ymchwil fod newyddion eu seinydd clyfar yn ychwanegol at – yn hytrach na'n disodli – darpariaeth newyddion fwy manwl, gan ei ddefnyddio ar gyfer penawdau cyflym ond dychwelyd i'r teledu, newyddion printiedig neu ar-lein am fwy o fanylion os oes angen.
Roedd cymysgedd o safbwyntiau ynghylch i ba raddau yr oedd pobl am i'w seinyddion bersonoli neu deilwra eu cynnwys. Roedd rhai'n gwerthfawrogi'r profiad defnyddiwr gwell roeddent yn teimlo bod hyn yn ei roi iddynt, ond roedd rhai eraill yn ei chael yn annifyr a ddim yn hoff o ildio gormod o reolaeth.
“Mae'n bwysig i fedru teilwra'r darparwr newyddion i'ch dewisiadau a'ch gogwydd gwleidyddol penodol. Mae hynny'n ddewis personol a democrataidd nad wyf am iddo gael ei wneud drosof.”
Menyw 35–44 oed, Defnyddiwr seinydd clyfar (Google Nest), De-orllewin Lloegr
Mewn astudiaeth ddiweddar o ddewis mewn newyddion, nododd Ofcom bryderon ynghylch effaith 'porthmyn' newyddion ar-lein – yn enwedig y cyfryngau cymdeithasol, fel Facebook, ond hefyd peiriannau chwilio ac apiau newyddion fel Apple News a Google News.
Nodiadau
- Traciwr Technoleg Ofcom: Cyfwelwyd â 4,003 o oedolion, 16+ oed, ar draws y Deyrnas Unedig, rhwng 1 Chwefror ac 8 Mai 2022.
- Rhwng misoedd Awst a mis Hydref 2022, roedd yr ymchwil hon yn cynnwys fforwm ar-lein o 100 o bobl am 3 wythnos gyda defnyddwyr seinyddion clyfar, ac yna grwpiau ffocws gyda thua hanner cyfranogwyr y fforwm. Roedd hefyd yn cynnwys 15 cyfweliad manwl gyda phobl nad ydynt yn defnyddio seinyddion clyfar. Anfonwyd seinyddion clyfar at y cyfranogwyr hyn er mwyn iddyn nhw roi cynnig arnynt; a chofnodwyd eu profiadau mewn cyfweliadau dilynol.
- Ffynhonnell: RAJAR Ch3 2022.
