Ymchwil i amddiffyn plant ar-lein

Mae'r ymchwil hon yn archwilio'r llwybrau i blant ddod ar draws cynnwys treisgar ar-lein, yr effaith y gall hyn ei chael, a chanfyddiadau a defnydd o fesurau diogelwch. Mae hefyd yn rhoi trosolwg o ddisgrifiadau plant o sut olwg sydd ar gynnwys treisgar, a oedd, medden nhw, yn rhan o fod ar-lein 'nad oedd modd ei osgoi'.

Rhybudd cynnwys: Mae'r adroddiad hwn yn sôn am themâu a allai fod yn ofidus ynghylch profiadau plant gyda chynnwys treisgar, gan gynnwys trais rhywiol. Mae'r adroddiad yn cynnwys disgrifiadau cyffredinol o ddarnau penodol o gynnwys treisgar, ond gan hepgor disgrifiadau manwl.

Mae'r ymchwil hon yn archwilio'r llwybrau i blant ddod ar draws cynnwys sy'n gysylltiedig â hunanladdiad, hunan-niweidio ac anhwylderau bwyta, yr effaith y gall hyn ei chael, a chanfyddiadau o fesurau diogelwch. Mae hefyd yn rhoi trosolwg o ddisgrifiadau plant o sut mae cynnwys sy'n hyrwyddo hunanladdiad, hunan-niweidio ac anhwylderau bwyta yn edrych ar-lein, yr oedd gan blant yn ein sampl lefel uchel o gyfarwydd ag ef a'i nodweddu fel bod ym mhobman ar gyfryngau cymdeithasol.

Rhybudd cynnwys: Mae'r adroddiad hwn yn cynnwys trafodaethau trallodus am brofiadau plant a phobl ifanc gyda chynnwys ac ymddygiadau hunanladdiad, hunan-niweidio ac anhwylder bwyta.

Mae'r ymchwil hon yn archwilio'r llwybrau i blant gael eu hamlygu i seiberfwlio, yr effaith y gall hyn ei chael, a chanfyddiadau o'r hyn sy'n gweithio i fynd i'r afael â seiberfwlio. Roedd hefyd yn archwilio sut olwg sydd ar seiberfwlio ymhlith plant, y dywedwyd ei fod yn digwydd yn unrhyw le y bu plant yn rhyngweithio ar-lein, gan dueddu i ganolbwyntio ar ba bynnag lwyfannau oedd fwyaf poblogaidd ar y pryd.

Mae plant yn wynebu amrywiaeth o risgiau ar-lein, a gall y niwed y maent o bosib yn ei brofi fod yn gymhleth ac yn amlddimemsiynol. Gall difrifoldeb niwed hefyd amrywio rhwng plant.

Yng ngoleuni'r cymhlethdod hwn, mae angen i ni ddeall drwy ba fecanweithiau y gall cynnwys ac ymddygiad ar-lein arwain at niwed.

Bu'r ymchwil hon yn archwilio sut mae gwahanol ffactorau risg yn cyfuno i gynyddu'r tebygolrwydd o niwed i blant. Mae'r canfyddiadau yn ein helpu i ddeall beth sydd ei angen i gadw plant yn ddiogel ar-lein. Byddwn yn eu defnyddio i gyfeirio ein gwaith diogelwch ar-lein, gan gynnwys ein harweiniad i wasanaethau a reoleiddir ar sut maen nhw'n cyflawni eu dyletswyddau.

Ffactorau risg a allai dywys plant i niwed ar-lein

Noder bod y dogfennau isod ar gael yn Saesneg yn unig

Mae ein hymchwil wedi darganfod, er bod llawer o blant yn defnyddio o leiaf un llwyfan ar-lein, fod rhai yn iau na'r isafswm oedran ar gyfer defnyddio'r llwyfan honno. Pan fydd plentyn yn nodi oedran ffug i gael mynediad i lwyfan, fel y mae'n mynd yn hŷn, felly hefyd y mae ei 'oedran defnyddiwr' ffug. Mae hyn yn ei roi mewn mwy o berygl o ddod ar draws cynnwys amhridol i'w oedran neu a allai fod yn niweidiol.

Roeddem am amcangyfrif cyfran y plant sydd ag 'oedran defnyddiwr' ffug ar eu proffil ar-lein, sy'n gwneud iddynt ymddangos yn hŷn nag y maent mewn gwirionedd.

Noder bod y dogfennau hyn ar gael yn Saesneg yn unig.

2023

2022

Mae llwyfannau ar-lein yn darparu gwybodaeth ac offer i helpu plant i gadw'n ddiogel ar-lein. Ond mae 'na bryderon nad yw plant yn eu defnyddio. Dangoswyd gemau difrifol i helpu i ennyn diddordeb pobl mewn cynnwys i wella eu diogelwch ar-lein, ond mae tystiolaeth empirig gyfyngedig ar hyn.

Dyluniodd Hyb Mewnwelediad Ymddygiadol Ofcom gêm ddifrifol syml, a chynhalwid hap-dreial peilot gyda rheolydd (RCT) i brofi pa mor effeithiol yw gêm ddifrifol wrth gadw plant yn ddiogel ar-lein.

Noder bod y ddwy ddogfen gyntaf ar gael yn Saesneg yn unig.